കോട്ടയം.ചെങ്ങന്നൂരിനും തിരുവല്ലയ്ക്കുമിടയില് റെയില് പാലത്തില് അറ്റകുറ്റപ്പണികള് നടക്കുന്നതിനാല് ശനിയാഴ്ച കോട്ടയം വഴിയുള്ള മെമു, പാസഞ്ചര് ട്രെയിന് സര്വീസുകള് റദ്ദാക്കി. മറ്റു ചില ട്രെയിനുകള് ആലപ്പുഴ വഴി തിരിച്ചു വിടും.
റദ്ദാക്കിയ സര്വീസുകള്
കൊല്ലം- കോട്ടയം, കോട്ടയം- കൊല്ലം, എറണാകുളം- കൊല്ലം, കൊല്ലം- എറണാകുളം, ആലപ്പുഴ വഴിയുള്ള കൊല്ലം- എറണാകുളം, എറണാകുളം- കൊല്ലം മെമു സര്വീസുകളും കോട്ടയം വഴിയുള്ള എറണാകുളം – കായംകുളം, കായംകുളം- എറണാകുളം, ആലപ്പുഴ വഴിയുള്ള കായംകുളം- എറണാകുളം, എറണാകുളം- ഷൊര്ണൂര്, ഷൊര്ണൂര്- എറണാകുളം പാസഞ്ചറുകളും റദ്ദാക്കി.
വഴി തിരിച്ചു വിടുന്ന ട്രെയിനുകള്
നാഗര്കോവില്- മംഗളൂരു പരശുറാം എക്സ്പ്രസ്, തിരുവനന്തപുരം- ഹൈദരാബാദ് ശബരി എക്സ്പ്രസ്, കന്യാകുമാരി- മുംബൈ സിഎസ്എംടി എക്സ്പ്രസ്, തിരുവനന്തപുരം- ന്യൂഡല്ഹി കേരള എക്സ്പ്രസ്, കന്യാകുമാരി -കെഎസ്ആര് ബംഗളൂരു ഐലന്സ് എക്സ്പ്രസ്, തിരുവനന്തപുരം- ചെന്നൈ സെന്ട്രല് മെയില്, കൊച്ചുവേളി – ശ്രീ ഗംഗാനഗര് പ്രതിവാര എക്സ്പ്രസ് എന്നിവ കായംകുളം ജംഗ്ഷനില് നിന്നും ആലപ്പുഴ വഴി തിരിച്ചു വിടും.
ഈ ട്രെയിനുകള്ക്ക് ഹരിപ്പാട്, അമ്പലപ്പുഴ, ആലപ്പുഴ, ചേര്ത്തല എന്നീ സ്റ്റേഷനുകളില് അന്നേ ദിവസം രണ്ടു മിനിറ്റ് വീതം താല്ക്കാലിക സ്റ്റോപ്പ് ഉണ്ടാകും. തിരുവനന്തപുരം- ചെന്നൈ സൂപ്പര്ഫാസ്റ്റ് എക്സ്പ്രസ് 35 മിനിറ്റും നാഗര്കോവില്- കോട്ടയം പാസഞ്ചര് ഒന്നേകാല് മണിക്കൂറും ചെങ്ങന്നൂരില് പിടിച്ചിടും.