ചെന്നൈ: തമിഴ്നാട്ടിൽ (Tamil Nadu)സ്കൂളുകളും കോളേജുകളും വീണ്ടും തുറക്കാൻ തീരുമാനം. 1 മുതൽ 12 വരെ ക്ലാസുകൾ ഫെബ്രുവരി ഒന്നിന് വീണ്ടും തുറക്കാനാണ് സർക്കാർ തീരുമാനിച്ചിരിക്കുന്നത്. കോവിഡ് മാനദണ്ഡങ്ങൾ പാലിച്ചായിരിക്കും സ്കൂളുകൾ പ്രവർത്തിക്കുക.
പ്ലേ സ്കൂളുകളും നഴ്സറികളും തുറക്കില്ല. കോവിഡ് മൂന്നാം തരംഗത്തെ തുടർന്ന് പ്രഖ്യാപിച്ച നിയന്ത്രണങ്ങളിൽ ഇളവുകൾ കൊണ്ടുവരാനാണ് തമിഴ്നാട് സർക്കാരിന്റെ തീരുമാനം. ഇതിന്റെ ഭാഗമായി ഞായറാഴ്ച്ച ലോക്ക്ഡൗണും രാത്രി കർഫ്യൂവും പിൻവലിച്ചു.
സാമൂഹിക രാഷ്ട്രീയ കൂടിച്ചേരലുകൾക്കുള്ള വിലക്ക് തുടരും. റസ്റ്ററന്റുകൾ, മാളുകൾ, തിയേറ്റർ, ജിം എന്നിവയ്ക്ക് 50 ശതമാനം ആളുകളെ ഉൾപ്പെടുത്തി പ്രവർത്തിക്കാനാണ് നിർദേശം. വിവാഹ ചടങ്ങുകളിൽ പങ്കെടുക്കുന്നവരുടെ എണ്ണം നൂറ് പേരിൽ കവിയരുത്.
நிலையான வழிகாட்டு நெறிமுறைகளை பின்பற்றி பிப்ரவரி 1 முதல் அனைத்துப் பள்ளிகளிலும் 1 முதல் 12 ஆம் வகுப்பு மாணவர்களுக்கு நேரடி வகுப்புகள் நடத்தப்படும் என மாண்புமிகு முதலமைச்சர் @mkstalin அவர்கள் அறிவித்துள்ளார்.
— CMOTamilNadu (@CMOTamilnadu) January 27, 2022
1/2 pic.twitter.com/rEuK7c4YUG
പുതിയ തീരുമാന പ്രകാരം മരണ ചടങ്ങുകളിൽ പങ്കെടുക്കുന്നവരുടെ എണ്ണം 150 ആക്കി വർധിപ്പിച്ചിട്ടുണ്ട്. ആരാധനാലയങ്ങൾക്കും തുറന്നു പ്രവർത്തിക്കാൻ അനുമതിയുണ്ട്.
நிலையான வழிகாட்டு நெறிமுறைகளை பின்பற்றி பிப்ரவரி 1 முதல் அனைத்துப் பள்ளிகளிலும் 1 முதல் 12 ஆம் வகுப்பு மாணவர்களுக்கு நேரடி வகுப்புகள் நடத்தப்படும் என மாண்புமிகு முதலமைச்சர் @mkstalin அவர்கள் அறிவித்துள்ளார்.
— CMOTamilNadu (@CMOTamilnadu) January 27, 2022
2/2 pic.twitter.com/IwMqili0YK
ഇന്ന് തമിഴ്നാട്ടിൽ 28,515 പുതിയ കോവിഡ് കേസുകളാണ് റിപ്പോർട്ട് ചെയ്തിരിക്കുന്നത്.