തിരുവനന്തപുരം: സംസ്ഥാനത്തെ അഞ്ചു ജില്ലകളില് തദ്ദേശ സ്ഥാപനത്തിലേക്കുള്ള വോട്ടെടുപ്പ് ആരംഭിച്ചു. കൊവിഡ് മാനദണ്ഡങ്ങള് പാലിച്ചുള്ള വോട്ടെടുപ്പ് രാവിലെ ഏഴു മുതല് വൈകുന്നേരം ആറു വരെയാണ്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലാണ് ഇന്ന് തെരഞ്ഞെടുപ്പ് നടക്കുന്നത്. അഞ്ചു ജില്ലകളിലായി 88,26,620 വോട്ടര്മാര് പോളിംഗ് ബൂത്തിലെത്തും. ഇതില് 41,58,341 പുരുഷന്മാരും 46,68,209 സ്ത്രീകളും 70 ട്രാന്സ്ജെന്റേഴ്സും അടക്കം 88,26,620 വോട്ടര്മാരാണ് ഒന്നാം ഘട്ടത്തിലുള്ളത്. ഇതില് 42,530 പേര് കന്നി വോട്ടര്മാരാണ്.
11,225 പോളിംഗ് ബൂത്തുകളാണ് സജ്ജീകരിച്ചിരിക്കുന്നത്. തെരഞ്ഞെടുപ്പ് ഡ്യൂട്ടിക്കായി 56,122 ഉദ്യോഗസ്ഥരെയും വിന്യസിച്ചിട്ടുണ്ട്. രാവിലെ ഏഴുമണിമുതല് വൈകുന്നേരം ആറുമണിവരെയാണ് ഇത്തവണ വോട്ടിംഗ് സമയം. തെരഞ്ഞെടുപ്പ് കമ്മീഷന് അംഗീകരിച്ച ഫോട്ടോ പതിച്ച തിരിച്ചറിയില് കാര്ഡിന് പുറമേ മറ്റ് 11 രേഖകള് ഉപയോഗിച്ചും വോട്ട് രേഖപ്പെടുത്താം.
വ്യാഴാഴ്ച രണ്ടാംഘട്ട തെരഞ്ഞെടുപ്പ് നടക്കുന്ന കോട്ടയം, എറണാകുളം, തൃശൂര്, പാലക്കാട്, വയനാട് ജില്ലകളില് പരസ്യപ്രചാരണം ചൊവ്വാഴ്ച വൈകിട്ട് ആറിനു സമാപിക്കും. ബാക്കി നാലു ജില്ലകളില് 14-നാണ് തെരഞ്ഞെടുപ്പ്.