ന്യൂഡൽഹി: ടേക്ക് ഓഫിന് (Take Off) തൊട്ടുമുമ്പ് സ്പൈസ് ജെറ്റ് (Spice jet) വിമാനം തൂണില് ഇടിച്ചു. ഡൽഹി അന്താരാഷ്ട്ര വിമാനത്താവളത്തില് (New Delhi International Airport) ഇന്ന് രാവിലെയാണ് സംഭവം. ബോയിംഗ് 737-800 വിമാനം പാസഞ്ചര് ടെര്മിനലില് നിന്ന് റണ്വേയിലേക്ക് നീങ്ങുന്നതിനിടെയാണ് തൂണില് ഇടിച്ചതെന്ന് വിമാനത്താവള വൃത്തങ്ങള് അറിയിച്ചു. സംഭവത്തില് ആര്ക്കും പരിക്കേറ്റിട്ടില്ലെന്നും ഡയറക്ടറേറ്റ് ജനറല് ഓഫ് സിവില് ഏവിയേഷന് (ഡിജിസിഎ) വിഷയത്തില് അന്വേഷണം ആരംഭിച്ചതായും അധികൃതര് വ്യക്തമാക്കി. വിമാനത്തിന്റെ വലതു ചിറകാണ് തൂണില് ഇടിച്ചത്. ചിറകിനും തൂണിനും കേടുപാടുകള് സംഭവിച്ചു. ജമ്മുവിലേക്ക് പോകാനിരുന്ന വിമാനമാണ് അപകടത്തില്പ്പെട്ടത്. യാത്രക്കാരെ മറ്റൊരു വിമാനത്തില് കയറ്റിയതായി സ്പൈസ് ജെറ്റ് അധികൃതര് പറഞ്ഞു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News