തിരുവനന്തപുരം:നെടുമങ്ങാട് താന്നിമൂട് പച്ചക്കാട്ടിൽ വഴി തർക്കത്തെ തുടർന്ന് ദമ്പതികളുടെ ആക്രമണത്തിൽ
യുവാവ് തലക്കടിയേറ്റ് മരിച്ചു. താന്നിമൂട് സ്വദേശി സജി 47 ആണ് മരിച്ചത്.
സമീപവാസിയായ ബാബുവും ഭാര്യ റേച്ചലും ആണ് ആക്രമണം നടത്തിയത്.ഇന്ന് ഉച്ചയ്ക്ക് മൂന്ന് മണിയോടെ ആയിരുന്നു സംഭവം
വഴി തർക്കവുമായി ബന്ധപ്പെട്ട് നിരന്തരം ഇവർ തമ്മിൽ തർക്കങ്ങൾ പതിവാണെന്ന് നാട്ടുകാർ പറയുന്നു.സജിയുടെ വീട്ടിന് മുൻപിൽ വച്ചായിരുന്നു ആക്രമണം. നടന്നു പോകുവാനുളള വഴിയിലൂടെ ബാബു ബൈക്കു കൊണ്ട് പോയത് സജി ചോദ്യം ചെയ്തതിനെ തുടർന്നാണ് സംഭവം.
ബാബുവിന്റെ ഭാര്യ സജിയെ കമ്പ് കൊണ്ട് ആക്രമിക്കുകയും തുടർന്ന് ബാബു കല്ല് കൊണ്ട് തലയ്ക്ക് അടിക്കുകയായിരുന്നു.
അടിയുടെ ആഘാതത്തിൽ ബോധം നഷ്ടപ്പെട്ട സജിയെ
നാട്ടുക്കാർ നെടുമങാട് ജില്ലാ ആശുപത്രിയിൽ എത്തിക്കുകയും പിന്നീട്
മെഡിക്കൽ കോളെജിലേക്ക് കൊണ്ടു പോകവെയാണ് സജി മരണപ്പെട്ടത്. ഒരു വർഷം മുൻപ് ഇവർ തമ്മിൽ വാക്കു തർക്കമുണ്ടായപ്പോൽ ഒത്തുതീർപ്പിലെത്തുകയായിരുന്നുവെന്ന് വാർഡ് മെമ്പർ ആനന്ദവല്ലി പറഞ്ഞു.
സജി കൂലിപ്പണിക്കാരനാണ്. ഭാര്യയും അമ്മയും മകനുമടങ്ങിയ കുടും ബമാണ് സജിയുടേത്. സംഭവ ശേഷം
പ്രതികൾ ഒളിവിൽ പോകുകയും പ്രതികൾക്കായി ഊർജിതമായി തെരച്ചിൽ നടക്കുന്നതായും
നെടുമങ്ങാട് പോലീസ് പറഞ്ഞു.
