തിരുവനന്തപുരം: ശമ്പള മുടക്കം പതിവായതോടെ ഗതികെട്ട് കെഎസ്ആര്ടിസി കണ്ടക്ടര് ആത്മഹത്യക്ക് ശ്രമിച്ചു. തിരുവനന്തപുരം പാപ്പനംകോട് ഡിപ്പോയിലെ കണ്ടക്ടര് വിനോദ് കുമാറാണ് അത്മഹത്യാശ്രമം നടത്തിയത്. ഡിപ്പോയില് വച്ച് എലിവിഷം കഴിക്കുകയായിരിന്നു. അത്യാസന്ന നിലയിലായ വിനോദിനെ തിരുവനന്തപുരം ജനറല് ആശുപത്രിയിലും തുടര്ന്ന് മെഡിക്കല് കോളജിലും പ്രവേശിപ്പിച്ചു.
ഡിപ്പോയിലെത്തി പ്രതിഷേധിച്ച ശേഷമാണ് ഇയാള് വിഷം കഴിച്ചത്. ഇന്ന് ഉച്ചവരെ ഇയാള് ഡിപ്പോയില് ഉണ്ടായിരുന്നു. ശമ്പളം പകുതി ലഭിക്കുകയും ഇത് പൂര്ണമായും ബാങ്ക് പിടിച്ചതിനെ തുടര്ന്ന് വിനോദ് വലിയ ടെന്ഷനിലായിരുന്നതായി സഹപ്രവര്ത്തകര് പറയുന്നു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News