ഹൈദരാബാദ്: ലോക്ക് ഡൗണിനെ തുടര്ന്നു കുടുങ്ങിയ മകനെ രക്ഷിക്കാന് ഒരു അമ്മ സ്കൂട്ടറില് യാത്ര ചെയ്തത് 1400 കിലോമീറ്റര്. തെലുങ്കാനയില് നിന്ന് ആന്ധ്രാ പ്രദേശിലേക്കായിരുന്നു 48കാരിയായ റസിയ ബീഗത്തിന്റെ സാഹസിക യാത്ര.
<p>മാര്ച്ച് 12 നെല്ലൂരില് പോയ തന്റെ ഇളയ മകന് നിസാമുദീന് ലോക്ക് ഡൗണ് പ്രഖ്യാപിച്ചതോടെ അവിടെ കുടുങ്ങിപ്പോയി. ഇതോടെയാണ് പോലീസ് അനുമതിയോടെ റസിയ ബീഗം യാത്ര തിരിച്ചത്. ആദ്യം കാറിന് പോകാനാണ് നിശ്ചയിച്ചത്. എന്നാല് പിന്നീട് സ്കൂട്ടില് പോകാന് ബീഗം തീരുമാനിക്കുകയായിരുന്നു.</p>
<p>തിങ്കളാഴ്ച രാവിലെ തെലുങ്കാനയില് നിന്നു തിരിച്ച് റസിയ ബീഗം ബുധനാഴ്ച മകനെയുമായി മടങ്ങിയെത്തി. ഏറെ പ്രതിസന്ധികള് നിറഞ്ഞതായിരുന്നു യാത്രയെന്നും രാത്രിയുള്ള യാത്രയായിരുന്നു വലിയ വെല്ലുവിളിയെന്നും ബീഗം പറഞ്ഞു.</p>
<p>ഹൈദരാബാദില് നിന്നു 200 കിലോ മീറ്റര് അകലെയുള്ള നിസാമാബാദിലെ ഒരു സര്ക്കാര് സ്കൂളിലെ പ്രധാന അധ്യാപികയാണ് റസിയ ബീഗം. 15 വര്ഷം മുന്പ് റസിയ ബീഗത്തിന്റെ ഭര്ത്താവ് മരിച്ചിരുന്നു.</p>