കോഴിക്കോട്: കരിപ്പൂര് വിമാന അപകടത്തില് പരിക്കേറ്റ് കോഴിക്കോട് സ്വകാര്യ ആശുപത്രിയില് ചികിത്സയിലായിരുന്ന ഒരാള്ക്കൂടി മരിച്ചു. നരിപ്പറ്റ കാഞ്ഞരാടന് വീട്ടില് പ്രമോദിന്റെ ഭാര്യ മഞ്ജുളകുമാരി (38) ആണ് മരിച്ചത്. ഭര്ത്താവിനൊപ്പം ദുബൈ റാസല്ഖൈമയിലായിരുന്ന മഞ്ജുളകുമാരി സുഹൃത്ത് രമ്യാ മുരളീധരനൊപ്പമാണ് നാട്ടിലേക്ക് മടങ്ങിയത്. ഇതോടെ കരിപ്പൂര് അപകടത്തില് ആകെ മരിച്ചവരുടെ എണ്ണം 21 ആയി.
ആഗസ്റ്റ് ഏഴിനാഴിരുന്നു കരിപ്പൂര് വിമാനത്താവളത്തിലെ ലാന്ഡിംഗിനിടെ എയര് ഇന്ത്യ എക്സ്പ്രസിന്റെ ദുബൈ- കോഴിക്കോട് വിമാനം റണ്വേയില് നിന്നു നിയന്ത്രണം തെറ്റി കോംപൗണ്ട് വാളില് ഇടിച്ച് അപകടമുണ്ടായത്. വിമാനം ലാന്ഡിംഗ് ചെയ്തതിന് ശേഷമായിരുന്നു അപകടം. ഇന്ധനചോര്ച്ച പെട്ടെന്ന് നിയന്ത്രിച്ചതിനാല് വലിയ ദുരന്തമാണ് ഒഴിവായത്. വിമാനത്തിന്റെ രണ്ട് പൈലറ്റുമാരും അപകടത്തില് മരിച്ചിരുന്നു.