കൊച്ചി:അങ്കമാലി- കാലടി റോഡിൽ വേങ്ങൂർ സെന്റ്.ജോർജ് ചാപ്പലിന് മുന്നിൽ ഇന്ന് പുലർച്ചെയാണ് അപകടം നടന്നത്.എടപ്പാളിൽ നിന്നും തടി കയറ്റിക്കൊണ്ടുവന്ന മിനിലോറി മുൻപിൽ പോയ നെല്ല് കയറ്റിക്കൊണ്ടുപോയ മറ്റൊരു വാഹനത്തിന്റെ പുറകിൽഇടിക്കുകയായിരുന്നു.
മിനിലോറിയുടെ ഇടതുവശത്തെ സീറ്റിൽ ഇരുന്ന ഉടമ കൂടിയായ എടപ്പാൾ സ്വദേശി പുത്തൻപള്ളി വീട്ടിൽ ഷാഫിയാണ് മരിച്ചത്.വാഹനത്തിൽ കുടുങ്ങിക്കിടന്ന ആളെ അങ്കമാലി അഗ്നിരക്ഷാസേന എത്തി ഹൈഡ്രോളിക് കട്ടർ ഉപയോഗിച്ച് വാഹന ഭാഗങ്ങൾ മുറിച്ച് മാറ്റിയാണ് പുറത്തെടുത്തത്.
ഉടൻ അങ്കമാലി ലിറ്റിൽ ഫ്ളവർ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.മിനി ലോറിയുടെ ഡ്രൈവർ പരിക്കൊന്നും ഇല്ലാതെ അത്ഭുതകരമായി രക്ഷപ്പെട്ടു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
