ഫോറൻസിക് വിദഗ്ധൻ ഡോക്ടർ ഉമാദത്തൻ അന്തരിച്ചു

തിരുവനന്തപുരം : പ്രശസ്ത ഫോറൻസിക് വിദഗ്ധനും മെഡിക്കൽ വിദ്യാഭ്യാസ മുൻ ഡയറക്ടറുമായിരുന്ന ഡോക്ടർ ബി.ഉമാദത്തൻ ( 73 ) അന്തരിച്ചു.തിരുവനന്തപുരത്തെ സ്വകാര്യ ആശുപത്രിയിലായിരുന്നു ഇന്ന് രാവിലെയായിരുന്നു അന്ത്യം. കുറച്ചു നാളായി ചികിൽസയിലായിരുന്നു. സംസ്കാരം വ്യാഴാഴ്ച രാവിലെ 11 ന് തിരുവനന്തപുരം കരിക്കകത്തെ വസതിയിൽ.

കേരളത്തിൽ നടന്ന പല പ്രമുഖ കേസുകളിലും തെളിയിക്കാൻ ഇദ്ദേഹം വഹിച്ചിട്ടുള്ള പങ്ക് വളരെ വലുതാണ്.1946 മാർച്ച് 12ന് സംസ്കൃത പണ്ഡിതനും ഗ്രന്ഥകാരനുമായിരുന്ന പ്രഫ. കെ. ബാലരാമപ്പണിക്കരുടെയും പവർകോട് ജി. വിമലയുടെയും മകനായാണ് ഉമാദത്തൻ ജനിച്ചത്. തിരുവനന്തപുരം മെഡിക്കൽകോളേജിൽ നിന്നും എംബിബിഎസും എംഡിയും പാസായി. 1969ൽ മെഡിക്കൽ വിദ്യാഭ്യാസവകുപ്പിൽ ട്യൂട്ടറായി ജോലിയിൽ പ്രവേശിച്ചു.