പൂച്ച മേശപ്പുറത്തേക്ക് ചാടി; ടി.വി മറിഞ്ഞ് വീണ് രണ്ടുവയസുകാരിക്ക് ദാരുണാന്ത്യം

ചെന്നൈ: ഉറങ്ങി കിടക്കുന്നതിനിടെ ടി.വി ദേഹത്തു വീണു രണ്ടു വയസ്സുകാരിയ്ക്ക് ദാരുണാന്ത്യം. മധര്‍ മൊയ്ദീന്‍ – രേഷ്മ ദമ്പതികളുടെ മകള്‍ നസിയ ഫാത്തിമയാണു മരിച്ചത്. ടി.വി വച്ചിരുന്ന മേശയ്ക്കു സമീപം കിടന്നുറങ്ങുകയായിരുന്നു നസിയ.

ഇതിനിടെ മേശപ്പുറത്തേക്കു പൂച്ച ചാടിയപ്പോഴുണ്ടായ കുലുക്കത്തില്‍ ടി.വി മറഞ്ഞു വീഴുകയായിരുന്നു. ഉടന്‍ തന്നെ നസിയയെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.