വാഷിംഗ്ടണ് ഡിസി: അമേരിക്കയില് കോവിഡ് പടര്ന്ന് പിടിക്കുന്ന സാഹചര്യത്തില ഇന്ത്യയോട് സഹായാഭ്യര്ഥനയുമായി പ്രസിഡന്റ് ഡോണള്ഡ് ട്രംപ്. കോവിഡ് ചികിത്സയ്ക്കായി മലേറിയ മരുന്നുകള് നല്കണമെന്ന് പ്രധാനമന്ത്രി നരേന്ദ്ര മോദിയോട് ട്രംപ് അഭ്യര്ഥിച്ചു.
<p>മലേറിയ ചികിത്സക്കുപയോഗിക്കുന്ന ഹൈഡ്രോക്സിക്ലോറോക്വിന് എന്ന മരുന്നിന്റെ കയറ്റുമതിക്ക് ഇന്ത്യ വിലക്കേര്പ്പെടുത്തിയിരിക്കുകയാണ്. ഇതേതുടര്ന്നാണ് ട്രംപിന്റെ അഭ്യര്ഥന. പ്രധാനമന്ത്രിയുമായി നടത്തിയ ടെലിഫോണ് സംഭാഷണത്തിലാണ് ട്രംപ് ഈ ആവശ്യം ഉന്നയിച്ചതെന്നാണ് റിപ്പോര്ട്ട്.</p>
<p>മോദിയുമായി സംസാരിച്ചെന്നും അടിയന്തര പ്രാധാന്യം കണക്കിലെടുത്ത് മരുന്നിന്റെ കയറ്റുമതിയിലേര്പ്പെടുത്തിയിരിക്കുന്ന നിരോധനത്തില് ഇളവ് അനുവദിക്കണമെന്ന് അഭ്യര്ഥിച്ചതായും ട്രംപ് വെളിപ്പെടുത്തി. വൈറ്റ് ഹൗസില് നടന്ന കൊറോണവൈറസ് ടാസ്ക് ഫോഴ്സിന്റെ അവലോക യോഗത്തിലാണ് ട്രംപ് ഇക്കാര്യം അറിയിച്ചത്.</p>
<p>അതേസമയം ഡോക്ടര്മാര് നിര്ദ്ദേശിച്ചാല് താനും മരുന്ന് കഴിക്കാന് തയാറാണെന്നും ട്രംപ് പറഞ്ഞു. ഇന്ത്യ ഈ മരുന്ന് കൂടുതല് നിര്മിക്കുന്നുണ്ട്. എന്നാല് അവിടുത്തെ കോടിക്കണക്കിന് വരുന്ന ജനങ്ങള്ക്ക് വേണ്ടി അവര്ക്ക് ഒരുപാട് മരുന്ന് ആവശ്യമുണ്ട്. സ്ട്രാറ്റജിക് നാഷണല് സ്റ്റോക്ക്പൈല് മുഖേന മരുന്ന് രാജ്യത്ത് വിതരണം ചെയ്യുമെന്നും ട്രംപ് അറിയിച്ചു.</p>