കൊച്ചി: ഷെയിന് നിഗം വിഷയം കൊച്ചിയിൽ ചേർന്ന അഭിനേതാക്കളുടെ സംഘടനയായ അമ്മയുടെ നിര്വാഹക സമിതി യോഗം ചർച്ച ചെയ്തു. നടന് ഷെയിന് നിഗവും നിര്മാതാക്കളുടെ സംഘടനയുമായുള്ള പ്രശ്നങ്ങള് ഒത്തുതീര്പ്പിലേക്ക് കടക്കുന്നതായാണ് വിവരം.
വിലക്ക് നീക്കുന്നതുമായി ബന്ധപ്പെട്ട കാര്യങ്ങള് ചര്ച്ച ചെയ്യുന്നതിന് യോഗത്തിലേക്ക് ഷെയിന് നിഗത്തെയും വിളിച്ചുവരുത്തിയിരുന്നു. വെയില്, കുര്ബാനി എന്നീ സിനിമകളുടെ നിര്മാതാക്കള്ക്ക് നഷ്ടപരിഹാരം നല്കാന് യോഗത്തില് തീരുമാനിച്ചു. ഇത് ഷെയിന് നിഗം അംഗീകരിച്ചിട്ടുണ്ട്. പണം നല്കുന്നതുമായി ബന്ധപ്പെട്ട് നിര്മാതാക്കളുടെ സംഘടനയുമായി അടുത്ത ദിവസം ചര്ച്ച നടക്കും.
ഷെയിന് നിഗവും നിര്മാതാക്കളുമായി ഏതാനും നാളുകളായി തുടരുന്ന പ്രശ്നങ്ങള്ക്ക് ശാശ്വത പരിഹാരം കാണുക എന്ന ലക്ഷ്യത്തോടെയാണ് അമ്മ നിര്വാഹക സമിതിയോഗം ചേര്ന്നത്. എല്ലാം നല്ല രീതിയില് അവസാനിക്കുമെന്ന് അമ്മ പ്രസിഡന്റ് മോഹന്ലാല് പ്രത്യാശ പ്രകടിപ്പിച്ചു. യോഗത്തില് മുകേഷ്, ഗണേഷ് എന്നിവരൊഴികെ എല്ലാ അംഗങ്ങളും പങ്കെടുത്തു.