മഞ്ഞു പോലൊരു പെണ്‍കുട്ടി എന്ന കമല്‍ ചിത്രത്തിലൂടെ അഭിനയ ലോകത്തേക്ക് കടന്നു വന്ന് പിന്നീട് മലയാളികളുടെ പ്രിയ താരങ്ങളില്‍ ഒരാളായി മാറിയ നടിയാണ് ഷംന കാസിം. തെന്നിന്ത്യയിലെ മറ്റു ഭാഷകളിലെ സിനിമകളിലും താരം സജീവമാണ്. അവതരിപ്പിച്ച കഥാപാത്രങ്ങള്‍ അത്രയും പൂര്‍ണതയില്‍ എത്തിക്കാന്‍ താരത്തിന് കഴിഞ്ഞുവെന്നതും മറ്റൊരു പ്രത്യേകതയാണ്.
അതേസമയം താന്‍ കുട്ടികാലത്ത് ഒരാളുടെ ആദ്യരാത്രി മുടക്കിയിട്ടുണ്ടെന്ന് വെളുപ്പെടുത്തിയിരിക്കുകയാണ് ഷംന ഇപ്പോള്‍. തനിക്ക് നാലു വയസ്സ് മാത്രം പ്രായമുള്ളപ്പോള്‍ മൂത്ത ഇത്താത്തയുടെ കല്യാണത്തിന്റെ അന്ന് രാത്രി മണിയറയില്‍ ആദ്യമേ താന്‍ സ്ഥാനം പിടിച്ചെന്നും ഇതുകണ്ട ഇക്കാക്കയുടെ കിളി പോയെന്നും ഷംന കാസ്സിം പറയുന്നു.
അമ്മ തന്നെ എടുത്തോണ്ട് പോകാന്‍ തുടങ്ങിയപ്പോളും താന്‍ സൈഡില്‍ കിടന്നോളാം എന്ന് ഇത്താത്തയോട് പറഞ്ഞു. ബന്ധുക്കള്‍ അടക്കം പലതും പറഞ്ഞങ്കിലും താന്‍ കൂട്ടാക്കിയില്ലന്നും പിന്നീട് ഇക്കാക്ക തന്നോട് അവിടെ കിടന്നോളാന്‍ പറഞ്ഞെന്നും ഷംന പറയുന്നു.
എന്നാല്‍ ചെറുപ്പത്തില്‍ കിടക്കയില്‍ മൂത്രം ഒഴിക്കുന്ന ശീലമുണ്ടായിരുന്നുവെന്നും അന്ന് അവരുടെ കിടക്കയില്‍ മൂത്രം ഒഴിച്ചെന്നും ഷംന പറയുന്നു. അതിനാല്‍ തന്നെ തന്റെ ആദ്യ രാത്രി കുളമാക്കിത്തരുമെന്ന് അവര്‍ പറഞ്ഞെന്നും താരം പറയുന്നു.