കോട്ടയം:പാമ്പാടിയില് പൊലീസ് ജീപ്പ് ഇടിച്ച് ചുമട്ടു തൊഴിലാളിയ്ക്ക് ഗുരുതര പരിക്ക്.
പാമ്പാടി ബസ് സ്റ്റാന്ഡിനു സമീപം ഇന്ന് വൈകുന്നേരം അഞ്ചരയോടെയാണ് അപകടം ഉണ്ടായത്.സംഭവത്തിൽ ടൗണിലെ ചുമട്ടുതൊഴിലാളിയായ പങ്ങട കൊട്ടാരത്തില് വിജയന് (56) ഗുരുതര പരിക്കേറ്റു.
ശനിയാഴ്ച്ച കോട്ടയത്ത് എത്തുന്ന ഗവർണറുടെ പ്രളയബാധിത പ്രദേശങ്ങളിലെ സന്ദർശനത്തിന് മുന്നോടിയായി പാമ്പാടി സർക്കിൾ പരിധിയിലെ പൊലീസ് ജീപ്പുകള് ട്രയല് റണ് നടത്തുന്നതിനിടെയാണ് അപകടം.അമിത വേഗത്തിലായിരുന്ന പൊലീസ് ജീപ്പ് റോഡ് മുറിച്ച് കടക്കുകയായിരുന്ന വിജയനെ ഇടിച്ചു വീഴ്ത്തുകയായിരുന്നു.
പോലീസ് വാഹനങ്ങൾ ഒന്നിന് പുറകെ മറ്റൊന്നായി ട്രയൽ റൺ നടത്തുകയായിരുന്നു.
ഇതിന് ഇടയിലാണ് വാകത്താനം പൊലീസ് സ്റ്റേഷനിലെ വാഹനം അപകടത്തിനു ഇടയാക്കിയതെന്ന് അറിയുന്നു.
കാൽവട്ടം ഒടിഞ്ഞ് തകർന്ന് വിജയനെ ആദ്യം പാമ്പാടി താലൂക്ക് ആശുപത്രിയിലെത്തിച്ച ശേഷം മെഡിക്കല് കോളേജിലേയ്ക്ക് മാറ്റി.വിജയനെ ആശുപത്രിയിലേക്ക് കൊണ്ടുപോയ ആംബുലൻസും അപകടത്തിൽ പെട്ട് മറ്റൊരാൾക്ക് പരിക്കേറ്റതായും വിവരമുണ്ട്.