രണ്ടാമതും പെണ്‍കുട്ടി; ഒരുമാസം പ്രായമുള്ള കുഞ്ഞിനെ മാതാവും പിതാവും മുത്തച്ഛനും ചേര്‍ന്ന് എരിക്കിന്‍ പാല്‍ നല്‍കി കൊലപ്പെടുത്തി

മധുര: ഒരുമാസം പ്രായമായ പിഞ്ചുകുഞ്ഞിന് എരിക്കിന്‍ പാല്‍ നല്‍കി കൊലപ്പെടുത്തിയ അച്ഛനും അമ്മയും മുത്തച്ഛനും അറസ്റ്റില്‍. മധുര പുല്ലനേരി ഗ്രാമത്തിലാണ് സംഭവം. രണ്ടാമതും പെണ്‍കുട്ടിയായതാണ് കൊലപാതകത്തിന് പ്രേരിപ്പിച്ചതെന്നാണ് റിപ്പോര്‍ട്ടുകള്‍. കുഞ്ഞിന് എരിക്കിന്‍ പാല്‍ നല്‍കിയാണ് കൊലപ്പെടുത്തിയത്. മൃതദേഹം വീട്ടുവളപ്പില്‍ കുഴിച്ചുമൂടുകയായിരുന്നു.

വൈരമുരുകന്‍-സൗമ്യ എന്നിവരെയാണ് പൊലീസ് അറസ്റ്റ് ചെയ്തത്. കുഞ്ഞിനെ കാണാതായതിനെ തുടര്‍ന്ന് സമീപവാസികള്‍ നടത്തിയ അന്വേഷണത്തിലാണ് വീട്ടുവളപ്പില്‍ കുഴിയെടുത്തത് കണ്ടെത്തുന്നത്. തുടര്‍ന്ന് പൊലീസിനെ വിവരം അറിയിച്ചതിനെതുടര്‍ന്നാണ് കുഞ്ഞിന്റെ മൃതദേഹം കണ്ടെത്തുന്നത്.