26.3 C
Kottayam
Tuesday, November 5, 2024
test1
test1

വെട്ടിമുറിച്ച് ഒന്നുമില്ലാതെയാക്കി,ഗസ്റ്റ് റോളിന് കൊടുത്ത പ്രാധാന്യം പോലും തനിക്ക് തന്നില്ല; അറ്റ്‌ലിയോട് കട്ടക്കലിപ്പില്‍ നയന്‍താര!

Must read

ചെന്നൈ:ചരിത്രത്തിലെ ഏറ്റവും മികച്ച ബോളിവുഡ് കലക്ഷന്‍ സിനിമയായി മാറാനുള്ള നെട്ടോട്ടത്തിലാണ് ഇപ്പോള്‍ ജവാന്‍ എന്ന ചിത്രം ഷാരൂഖ് ഖാനെ നായകനാക്കി അറ്റ്‌ലി സംവിധാനം ചെയ്ത സിനിമ ഏറ്റവും കൂടുതല്‍ കലക്ഷന്‍ നേടിയ ബോളിവുഡ് ചിത്രങ്ങളുടെ കൂട്ടത്തില്‍ നാലാം സ്ഥാനത്താണ് ഇപ്പോള്‍. സിനിമയുടെ വിജയം ഷാരൂഖ് ഖാനും അറ്റിലും ഫാന്‍സും എല്ലാം ആഘോഷിക്കുന്നു.

എന്നാല്‍ ചിത്രത്തില്‍ നായികയായി എത്തിയ നയന്‍താര അത്രയ്ക്ക് ഹാപ്പി അല്ല എന്നാണ് അറിയുന്നത്. സംവിധായകന്‍ അറ്റിലിയോട് കട്ടക്കലിപ്പിലാണെന്നും കോടമ്പക്കത്തു നിന്നും വാര്‍ത്തകള്‍ വരുന്നു. ചിത്രത്തില്‍ നയന്‍താരയുടെ പല രംഗങ്ങളും കട്ട് ചെയ്ത് മാറ്റിയിട്ടുണ്ടത്രെ. നായികയാണെന്ന് പറഞ്ഞു കൊണ്ടുവന്നിട്ട്, കാമിയോ റോള്‍ ചെയ്ത ദീപിക പദുക്കോണിന്റെ പ്രാധാന്യം പോലും സിനിമയില്‍ തനിക്ക് കിട്ടിയില്ല എന്നാണ് നയന്‍താരയുടെ പക്ഷം.

ഇപ്പോള്‍ ദീപിക- ഷാരൂഖ് ഖാന്‍ ചിത്രം എന്ന നിലയിലാണ് സിനിമയുടെ വിജയത്തെ ആഘോഷിക്കുന്നത്. സിനിമയില്‍ നായികയായി അഭിനയിച്ച നയന്‍താരയെക്കാള്‍ പ്രതിഫലം വാങ്ങിയതും വെറും മിനിട്ടുകള്‍ മാത്രം വന്നുപോയ ദീപിക പദുക്കോണാണെന്നും റിപ്പോര്‍ട്ടുകള്‍ ഉണ്ടായിരുന്നു. സൗത്ത് ഇന്ത്യന്‍ സിനിമയിലെ സൂപ്പര്‍ ലേഡി എന്ന വിശേഷണത്തോടെ, ഹിന്ദിയില്‍ എത്തിയ നയന്‍താരയ്ക്ക് അര്‍ഹിക്കുന്ന പരിഗണന കിട്ടിയില്ല. അതുകൊണ്ട് തന്നെ അടുത്തെങ്ങും ഇനിയൊരു ഹിന്ദി സിനിമ ചെയ്യാനുള്ള സാധ്യതയും കുറവാണെന്നാണ് റിപ്പോര്‍ട്ടുകള്‍.

ചിത്രത്തിന്റെ പ്രമോഷന്‍ പരിപാടികള്‍ക്കൊന്നും നയന്‍താര പങ്കെടുത്തിട്ടില്ല. എന്നാല്‍, പൊതുവെ നയന്‍താര പ്രമോഷനുകള്‍ക്ക് പങ്കെടുക്കാറില്ല എന്നതും, അത് സിനിമ കരാറ് ചെയ്യുമ്പോള്‍ തന്നെ പറയാറുള്ളതാണെന്നും നേരത്തെ അറിയാവുന്നതാണ്. സിനിമയുടെ വിജയാഘോഷം നടത്തിയപ്പോള്‍ അമ്മയുടെ ബേര്‍ത്ത് ഡേ സെലിബ്രേഷന്റെ കാര്യം പറഞ്ഞ് നയന്‍താര വിട്ടു നിന്നതും നോട്ടീസ് ചെയ്യപ്പെട്ടിരുന്നു.

ഷാരൂഖ് ഖാന്റെ ജവാൻ 1000 കോടി ക്ലബിലേക്ക് എത്തുന്നതും കാത്തിരിക്കുകയാണ് ആരാധകര്‍. ഇതിനകം  ജവാൻ നേടിയത് 907 കോടിയില്‍ അധികമാണെന്ന് നിര്‍മാതാക്കള്‍ ഔദ്യോഗികമായി പ്രഖ്യാപിച്ചിരുന്നു. എന്നാല്‍ ചരിത്ര നേട്ടമായ 1000 കോടി മറികടന്നോ എന്ന ആകാംക്ഷയിലാണ് ആരാധകര്‍. അതിനിടെ ഇന്ത്യയില്‍ മാത്രം 526.73 കോടി നേടിയെന്നും ട്രേഡ് അനലിസ്റ്റുകള്‍ റിപ്പോര്‍ട്ട് ചെയ്യുന്നു.

ഷാരൂഖ് ഖാൻ നായകനായവയില്‍ റെക്കോര്‍ഡ് കളക്ഷൻ ഇപ്പോഴും പഠാന്റെ പേരിലാണ്. പഠാൻ ആഗോളതലത്തില്‍ ആകെ 1,050.30 കോടി രൂപയാണ് നേടിയത്.  പഠാനെ ജവാൻ എപ്പോഴായിരിക്കും ആകെ കളക്ഷനില്‍ മറികടക്കുക എന്ന ആകാംക്ഷയ്‍ക്ക് ഉത്തരമാണ് ഇനി ലഭിക്കേണ്ടത്. നിലവില്‍ ജവാൻ വൻ കുതിപ്പ് കളക്ഷനില്‍ രേഖപ്പെടുത്തുന്നില്ല എന്നാണ് റിപ്പോര്‍ട്ടുകള്‍.

ആഗോളതലത്തില്‍ ഒരു ഹിന്ദി ചിത്രത്തിന്റെ കളക്ഷൻ റെക്കോര്‍ഡ് ജവാന്റെ പേരിലാണ്. റിലീസിന് ജവാൻ ആഗോളതലത്തില്‍ 125.05 കോടിയാണ് റിലീസിന് നേടിയത്. ഇതോടെ ജവാൻ വമ്പൻ ഹിറ്റാകുമെന്ന താരത്തിന്റെ ആരാധകര്‍ തീര്‍ച്ചപ്പെടുത്തിയിരരുന്നു.  ഒടിടിയില്‍ ജവാൻ പ്രദര്‍ശനത്തിനെത്തുമ്പോള്‍ ഡിലീറ്റഡ് രംഗങ്ങളും ഉണ്ടാകും എന്നും പുതിയ റിപ്പോര്‍ട്ടുണ്ട്. തിയറ്റര്‍ റിലീസിനായി ജവാനിലെ ആക്ഷൻ രംഗങ്ങളില്‍ ചിലത് ഒഴിവാക്കിയിരുന്നു.
നെറ്റ്‍ഫ്ലിക്സിലാണ് ഷാരൂഖ് ഖാൻ നായകനായ ചിത്രം സ്‍ട്രീം ചെയ്യുക. വൻ തുകയ്‍ക്കാണ് നെറ്റ്ഫ്ലിക്സ് ജവാന്റെ ഒടിടി റൈറ്റ് നേടിയത്.

തമിഴകത്തെ ഹിറ്റ്മേക്കര്‍ അറ്റ്ലിയാണ് ജവാൻ സംവിധാനം ചെയ്‍തത്. ഷാരൂഖ് ഖാനും അറ്റ്‍ലിയും കൈകോര്‍ത്തപ്പോള്‍ ചിത്രം വൻ ഹിറ്റായി മാറുന്ന കാഴ്‍ചയാണ് കാണുന്നത്. നയൻതാര നായികയുമായി എത്തി ബോളിവുഡിലെ തുടക്കം അവിസ്‍മരണീയമാക്കി. ഷാരൂഖ് ഖാന്റെ ജവാനിലെ വില്ലൻ കഥാപാത്രം വിജയ് സേതുപതിയാണ്.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

More articles

ആലുവ മാര്‍ത്താണ്ഡവര്‍മ പാലത്തില്‍ ചരക്ക് വാൻ മറിഞ്ഞ് അപകടം; കാൽനട യാത്രക്കാരന് പരിക്ക്, രക്ഷാപ്രവർത്തനത്തിന് എ.എ. റഹീം എം.പിയും

കൊച്ചി: ആലുവ പഴയ മാര്‍ത്താണ്ഡവര്‍മ പാലത്തില്‍ കാല്‍നട യാത്രക്കാരനെ രക്ഷിക്കാനുള്ള ശ്രമത്തിനിടെ ചരക്ക് വാന്‍ മറിഞ്ഞു. പാലത്തിന്റെ അരികിലെ ഉയരമുള്ള ഭാഗത്ത് തട്ടിയാണ് വാഹനം മറിഞ്ഞത്. പ്രഭാതസവാരിക്കിറങ്ങിയ ആലുവ ഉളിയന്നൂര്‍ സ്വദേശി ഇന്ദീവരം...

കുഞ്ഞിനെ 4.5 ലക്ഷത്തിന് വിറ്റു,പണം വീതംവെക്കുന്നതിൽ അമ്മയും അച്ഛനും തമ്മിൽ തർക്കം; പ്രതികൾ പിടിയിൽ

ഈറോഡ്: 40 ദിവസം പ്രായമുള്ള കുഞ്ഞിനെ വിറ്റ സംഭവത്തിൽ ഇടനിലക്കാരും അച്ഛനും ഉൾപ്പെടെ അഞ്ചുപേരെ ഈറോഡ് വടക്ക് പോലീസ് അറസ്റ്റ് ചെയ്തു. കുഞ്ഞിന്റെ അമ്മ ഈറോഡ് കനിറാവുത്തർകുളം സ്വദേശി നിത്യ (28) നൽകിയ...

വനിതാ എക്‌സൈസ് ഓഫീസർ വാഹനാപകടത്തില്‍ മരിച്ചു; അപകടം പരാതി അന്വേഷിയ്ക്കാന്‍ പോകുന്നതിനിടെ

തിരുവനന്തപുരം: പരാതി അന്വേഷിക്കാന്‍ പോയ വനിതാ സിവില്‍ എക്‌സൈസ് ഓഫീസര്‍ വാഹനാപകടത്തില്‍ മരിച്ചു. തിരുമല വേട്ടമുക്ക് ലക്ഷ്മിനഗര്‍ എല്‍.എന്‍. ആര്‍.എ. 51-ല്‍ ഷാനിദ എസ്.എന്‍.(36) ആണ് മരിച്ചത്. ഞായറാഴ്ച രാത്രി 11-ഓടെ പാറ്റൂര്‍-ജനറല്‍ ആശുപത്രി...

'സിംഗിളാണോ മാരീയിഡാണോ?': ഇതാണോ ഒരാളെ വിലയിരുത്താനുള്ള കാരണം, തുറന്ന് ചോദിച്ച് തബു

മുംബൈ: പ്രൊഫഷണൽ ജീവിതത്തിനപ്പുറം തബുവിന്‍റെ വ്യക്തിജീവിതവും എന്നും ബോളിവുഡ് ഗോസിപ്പ് കോളങ്ങളില്‍ നിറയാറുണ്ട്. 53 വയസ്സ് തികഞ്ഞ താരം ഇപ്പോള്‍ തന്‍റെ റിലേഷൻഷിപ്പ് സ്റ്റാറ്റസിനെക്കുറിച്ച് എപ്പോഴും തുറന്ന് പറയുകയാണ്.ഹിന്ദുസ്ഥാൻ ടൈംസിന് നൽകിയ പ്രത്യേക...

ഗ്രാമവാസിയെ കൊലപ്പെടുത്തി; കടുവയെ കല്ലെറിഞ്ഞുകൊന്ന് ജനക്കൂട്ടം

ജയ്പുർ : ജനക്കൂട്ടത്തിന്റെ കല്ലേറിൽ പരിക്കേറ്റ കടുവ ചത്തു. ഇന്ത്യയിലെ തന്നെ പ്രധാന കടുവാ സങ്കേതങ്ങളിൽ ഒന്നായ രാജസ്ഥാനിലെ രന്തംബോർ കടുവസങ്കേതത്തിൽ ആണ് സംഭവം നടന്നത്. ഗ്രാമവാസിയെ കൊലപ്പെടുത്തിയതിന്റെ പ്രതികാരമായാണ് കടുവയെ ആളുകൾ...

Popular this week

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads. Please support us by disabling these ads blocker.