ഇന്‍ഡോനേഷ്യയില്‍ റൈസ് കുക്കറിനെ കല്യാണം കഴിച്ച് യുവാവ്. ഖോയ്‌റുല്‍ അനാം എന്ന യുവാവാണ് റൈസ് കുക്കറിനെ വിവാഹം കഴിച്ച് വാര്‍ത്തകളില്‍ ഇടം നേടിയത്. നിയമാനുസൃതമായായിരുന്നു വിവാഹം. എന്നാല്‍, നാല് ദിവസങ്ങള്‍ക്കു ശേഷം ഇയാള്‍ റൈസ് കുക്കറിനെ വിവാഹമോചനം നടത്താന്‍ തീരുമാനിച്ചു. ഇതും നിയമം അനുസരിച്ച് തന്നെ.
ഖൊയ്‌റുല്‍ അനാം തന്നെയാണ് തന്റെ സമൂഹമാധ്യമ അക്കൗണ്ടുകളിലൂടെ വിവാഹത്തിന്റെ വിശേഷം അറിയിച്ചത്. ചില ചിത്രങ്ങളും ഇയാള്‍ പങ്കുവച്ചു. ഖൊയ്‌റുലിനെ വെള്ള വസ്ത്രമണിഞ്ഞും റൈസ് കുക്കറിനെ തട്ടമിട്ട് ഒരുക്കിയ നിലയിലുമാണ് കല്യാണ ചിത്രങ്ങളില്‍ കാണുന്നത്. നിക്കാഹും ഒപ്പിടലുമൊക്കെ ചിത്രങ്ങളിലുണ്ട്. നല്ല പാചകക്കാരി ആയതിനാലാണ് റൈസ് കുക്കറിനെ വിവാഹം ചെയ്തതെന്ന് ഇയാള്‍ പ്രാദേശിക ചാനലിനു നല്‍കിയ അഭിമുഖത്തില്‍ അറിയിച്ചിരുന്നു.
എന്നാല്‍, നാല് ദിവസത്തെ ദാമ്പത്യ ജീവിതത്തിനു ശേഷം ഇയാള്‍ വിവാഹം വേര്‍പെടുത്താന്‍ തീരുമാനിച്ചു. തന്റെ ‘ഭാര്യക്ക്’ അരി മാത്രമേ പാചകം ചെയ്യാനാവൂ എന്ന് മനസ്സിലാക്കിയതോടെയാണ് ഇയാള്‍ വിവാഹമോചനം തേടിയത്. ടിക്ടോക്ക് കണ്ടന്റ് ക്രിയേറ്റര്‍ കൂടിയായ ഖൊയ്‌റുല്‍ ജനശ്രദ്ധ പിടിച്ചുപറ്റാനാണ് ഇത്തരം ഒരു പ്രവൃത്തി നടത്തിയതെന്ന് വിമര്‍ശനങ്ങള്‍ ഉയരുന്നുണ്ട്.
https://www.facebook.com/anam.distro/posts/3014186555494926
