കാഞ്ഞിരപ്പള്ളി: കൊട്ടാരക്കര-ദിണ്ഡിഗല് ദേശീയപാതയില് കാഞ്ഞിരപ്പള്ളി പഞ്ചായത്ത് വളവില് നിയന്ത്രണം വിട്ട ലോറി കടയ്ക്കുള്ളിലേക്ക് ഇടിച്ച് കയറി. പുലര്ച്ചെ ഒന്നിനാണ് അപകടം നടന്നത്. ആ സമയത്ത് കടയ്ക്ക് മുന്നില് ആരും ഇല്ലാതിരുന്നതിനാല് വന് ദുരന്തം വഴിമാറി.
ലോറിയില് ഡ്രൈവര് മാത്രമാണ് ഉണ്ടായിരുന്നത്. പരിക്കേറ്റ ഡ്രൈവര് വണ്ടിപ്പെരിയാര് സ്വദേശി പ്രദീപി(28)നെ മെഡിക്കല് കോളജ് ആശുപത്രിയില് പ്രവേശിപ്പിച്ചു. ചാലക്കുടിയില് നിന്നു ലോഡ് കയറ്റി വണ്ടിപ്പെരിയാറിന് പോവുകയായിരുന്നു ലോറി. ബ്രേക്ക് നഷ്ടപ്പെട്ടതാണ് അപകട കാരണമെന്നാണ് പ്രാഥമിക നിഗമനം.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News