സൂര്യ ടിവിയില് സംപ്രേഷണം ചെയ്തുവരുന്ന പരിപാടിയാണ് അരം പ്ലസ് അരം കിന്നരം. ചുരുങ്ങിയ കാലം കൊണ്ട് തന്നെ ജനപ്രിയ പരിപാടികളുടെ കൂട്ടത്തിൽ അരം പ്ലസ് അരം കിന്നരം സ്ഥാനം പിടിച്ചു. ആര്യയും ശ്വേത മേനോനുമുള്പ്പടെയുള്ളവരും ഷോയിലുണ്ട്.
ശ്വേത മേനോനാണ് പരിപാടി നയിക്കുന്നത്.
പരിപാടിയിലെ പ്രധാന താരങ്ങളിലൊരാളാണ് ലക്ഷ്മി പ്രിയ. ഷോയിൽ നിന്നും ലക്ഷ്മി പ്രിയ പോയൊയെന്നുള്ള ചോദ്യങ്ങളുമായെത്തിയിരിക്കുകയാണ് ഇപ്പോൾ പ്രേക്ഷകര്. പരിപാടിയുടെ പ്രമോ വീഡിയോ വൈറലായി മാറിയതോടെയാണ് ആരാധകരും ചോദ്യങ്ങളുമായെത്തിയത്.
സംവിധായകന് സിദ്ദിഖ് അതിഥിയായി എത്തിയ എപ്പിസോഡിനിടയിലാണ് നാടകീയ സംഭവങ്ങള് അരങ്ങേറുന്നത്. സീരിയലില് കാണിക്കുന്ന തരത്തിലുള്ള പെണ്ണുങ്ങളുടെ നുണയും കുറ്റവും, നിങ്ങള്ക്ക് പറയാനുള്ള കാര്യങ്ങള് എന്റെ മുഖത്ത് നോക്കി പറയാമായിരുന്നു. 19 പേര് ഒരു മണിക്കൂര് ഇവിടെ ലക്ഷ്മിക്കായി കാത്തിരിക്കുകയാണ്. ലക്ഷ്മി ഒരു സാരി ഉടുത്ത് വരാന് വേണ്ടി എന്നായിരുന്നു സാജന് ലക്ഷ്മിയോട് പറഞ്ഞത്. ചേട്ടാ അല്ലായെന്ന് പറഞ്ഞ് തന്റെ ഭാഗം പറയാന് ശ്രമിക്കുന്ന ലക്ഷ്മി പ്രിയയേയും വീഡിയോയില് കാണുന്നുണ്ട്.
ഞാന് വരുന്ന ദിവസം തന്നെ ഇങ്ങനെയൊരു ഇഷ്യൂ ഉണ്ടായെന്ന് വെച്ചാല് എന്നായിരുന്നു സിദ്ദിഖ് പറഞ്ഞത്. നിങ്ങളുടെ തലയില് ആരും ബോംബൊന്നും ഇട്ടില്ലല്ലോയെന്ന് ചോദിക്കുന്ന പ്രീതയേയും വീഡിയോയില് കാണുന്നുണ്ട്. എനിക്ക് ഈ ഫ്ളോറില് ഇരിക്കാനായി വളരെയധികം ബുദ്ധിമുട്ടുണ്ട്. ലക്ഷ്മി അങ്ങനെയല്ലെന്ന് പറഞ്ഞ് കാര്യങ്ങള് വിശദീകരിക്കാന് സാജന് സൂര്യ ശ്രമിക്കുന്നുണ്ട്.
സാജന് കാര്യങ്ങള് വിശദീകരിക്കാന് ശ്രമിക്കുന്നുണ്ടെങ്കിലും ഞാന് പോവുകയാണെന്ന് പറഞ്ഞ് ഇറങ്ങിപ്പോവുകയാണ് ലക്ഷ്മി പ്രിയ. വികരഭരിതയായി പുറത്തേക്ക് പോയ ലക്ഷ്മിക്ക് പിന്നാലെയായി സാജനും രാജേഷും ചെല്ലുന്നതും വീഡിയോയില് കാണുന്നുണ്ട്. ലക്ഷ്മി പോയതോടെ താരങ്ങളെല്ലാം ആശയക്കുഴപ്പവുമായി നില്ക്കുന്നതും വീഡിയോയില് കാണിച്ചിരുന്നു. ഒളിച്ച് വെച്ച പോര് മറനീക്കി പുറത്തുവരുന്നു അരം പ്ലസ് അരം ഭിന്നിപ്പിലേക്ക് എന്നാണ് പ്രമോ വീഡിയോയില് പറയുന്നതും.
ദിനേശ് പണിക്കരും സൗപര്ണിക സുഭാഷുമുള്പ്പടെ നിരവധി താരങ്ങളാണ് അരം പ്ലസ് അരം കിന്നരത്തിന്റെ പ്രമോ വീഡിയോ പങ്കുവെച്ചിട്ടുള്ളത്. ലക്ഷ്മി പ്രിയ പരിപാടിയുടെ ഷൂട്ടിംഗ് ഫ്ളോറില് നിന്നും ഇറങ്ങിപ്പോയെന്നാണ് ദിനേശ് പണിക്കര് കുറിച്ചത്.
ലക്ഷ്മി ചേച്ചി ഷോ വിട്ട് പോവുമോയെന്ന് ചോദിച്ചായിരുന്നു സൗപര്ണിക വീഡിയോ ഷെയര് ചെയ്തത്.റേറ്റിംഗ് കൂട്ടാനുള്ള പ്രാങ്കാണോ ഇതെന്ന തരത്തിലുള്ള ചോദ്യങ്ങളും ഉയര്ന്നുവന്നിട്ടുണ്ട്.