കോഴിക്കോട്: ഇരിങ്ങലിൽ ടാങ്കർ ലോറിയും കാറും കൂട്ടിയിടിച്ച് രണ്ട് മരണം. കണ്ണൂർ താണ സ്വദേശി സുബൈദാസിൽ ആഷിക്ക് (46) മകൾ ആയിഷ 18 എന്നിവരാണ് മരിച്ചത്. ആയിഷ വടകര ആശുപത്രിയിൽ വെച്ചും ആഷിക്ക് കൊയിലാണ്ടിയിലേക്ക് കൊണ്ടു പോകും വഴിയുമാണ് മരിച്ചത്.
ആഷിക്കിന്റെ മകൻ മുഹമ്മദ് സാലിഹ് ഭാര്യയുടെ ഉമ്മയുടെ സഹോദരി ശുഹൈബ എന്നിവർക്ക് പരിക്കേറ്റിട്ടുണ്ട്. ഇവരെ കോഴിക്കോട്ടെ സ്വകാര്യ ആശുപത്രിയിൽ പ്രവേശിപ്പിച്ചു.ഇന്ധനമിറക്കി വരികയായിരുന്ന ടാങ്കർ ലോറി ഇവർ സഞ്ചരിച്ച കാറിലിടിക്കുകയായിരുന്നു. ഇടിയുടെ ആഘാതത്തിൽ പൂർണമായി തകർന്ന കാർ വെട്ടിപ്പൊളിച്ചാണ് പരിക്കേറ്റവരെ പുറത്തെടുത്തത്. ഇരിങ്ങൽ മാങ്ങൂൽ പാറയിൽ ഇന്നലെ രാത്രി പത്ത് മണിയോടെയായിരുന്നു അപകടം.അപകടത്തെ തുടർന്ന് ദീർഘനേരം ദേശീയ പാതയിൽ ഗതാഗത സ്തംഭിച്ചു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News