കൊല്ലം: വിസ്മയാ കേസില് വിസ്മയയുടെ ആത്മഹത്യ ഭര്ത്താവ് കിരണ് കുമാറിന്റെ ജാമ്യാപേക്ഷ കൊല്ലം സെഷന്സ് കോടതി തള്ളി. പ്രതിക്ക് കൊവിഡ് രോഗബാധ ഉണ്ടായതിനെ കൂടുതല് തെളിവുകള് ശേഖരിക്കാന് ചോദ്യം ചെയ്യല് ആവശ്യമാണന്ന പ്രോസിക്യൂഷന് വാദം കോടതി അംഗികരിച്ചു. കിരണ്കുമാറിനെ കസ്റ്റഡിയില് വിട്ട് കിട്ടാന് അന്വേഷണ സംഘം കോടതിയെ സമീപിക്കും.
സ്ത്രീധന പീഡനത്തിനാണ് കിരണിനെതിരെ കേസെടുത്തിട്ടുള്ളത്. കേസില് എഫ്ഐആര് റദ്ദാക്കണമെന്നാവശ്യപ്പെട്ട് പ്രതിഭാഗം ഹൈക്കോടതിയെയും സമീപിച്ചിട്ടുണ്ട്. ജൂണ് 21 നാണ് വിസ്മയയെ കിരണിന്റെ വീട്ടില് തൂങ്ങിമരിച്ച നിലയില് കണ്ടെത്തിയത്. സ്ത്രീധനത്തിന് പേരില് വിസ്മയ ഭര്ത്തൃ ഗൃഹത്തില് കൊടിയ മര്ദ്ദനം നേരിട്ടിരുന്നു.
നേരത്തെ വിസ്മയ കേസില് പ്രതി കിരണ്കുമാറിന് കീഴ്കോടതിയില് നിന്ന് നേരത്തെ ജാമ്യം ലഭിച്ചിരുന്നില്ല. ശാസ്താംകോട്ട ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതിയാണ് നേരത്തെ കിരണിന്റെ ജാമ്യാപേക്ഷ തള്ളിയത്. ഇതോടെ പ്രതി ജുഡീഷ്യല് കസ്റ്റഡിയില് തന്നെ തുടരുകയാണ്.