കണ്ണൂര്: ഐ.എസ് ബന്ധം ആരോപിച്ച് കണ്ണൂരില് രണ്ട് യുവതികള് അറസ്റ്റിലായി. ഷിഫ ഹാരിസ്, മിസ്സിദ്ദിഖ് എന്നിവരെയാണ് എന്.ഐ.എ. അറസ്റ്റ് ചെയ്തത്. സമൂഹമാധ്യമങ്ങളിലൂടെ ഇവര് ഐ.എസ്. ആശയപ്രചരണം നടത്തിയെന്ന എന്.ഐ.എ.യുടെ കണ്ടെത്തലിനെ തുടര്ന്നാണ് അറസ്റ്റ്. മലയാളിയായ മുഹമ്മദ് അമീനോപ്പം ചേര്ന്ന് ഐ.എസ്. പ്രവര്ത്തനങ്ങളില് പ്രതികള് ഏര്പ്പെട്ടിരുന്നുവെന്ന് എന്.ഐ.എ. അറിയിച്ചു.
ഇവരുടെ കൂട്ടാളി മുസാദ് അന്വര് നേരത്തെ അറസ്റ്റിലായിരുന്നു. ക്രോണിക്കിള് ഫൗണ്ടേഷന് എന്ന ഗ്രൂപ്പുണ്ടാക്കി ആശയപ്രചാരണം നടത്തിയെന്നും ദേശീയ അന്വേഷണ ഏജന്സി സംഘം പറയുന്നു. ഈ കേസുമായി ബന്ധപ്പെട്ട് കൊണ്ട് നേരത്തെയും ഇവരുടെ വീടുകളില് എന്.ഐ.എ റെയ്ഡുകള് നടത്തിയിട്ടുണ്ടായിരുന്നു. അന്ന് മുതല് ഷിഫ ഹാരിസും മിസ്ഹ സിദ്ദിഖും ഇനി.ഐ.എ.യുടെ നിരീക്ഷണത്തിലായിരുന്നു. ഇരുവരും ഇറാന് ഉള്പ്പെടെയുള്ള വിദേശ രാജ്യങ്ങളില് സന്ദര്ശനം നടത്തിയിട്ടുണ്ടെന്ന വിവരവും ലഭിച്ചിട്ടുണ്ട്.
ഇന്ന് രാവിലെയാണ് കൊച്ചിയിലും ഡല്ഹിയില് നിന്നുമുള്ള എന്.ഐ.എ. സംഘങ്ങള് കണ്ണൂരിലേക്ക് എത്തിയത്. കണ്ണൂര് താനെയിലെ അവരുടെ വീടുകളിലെത്തി ഡിജിറ്റല് തെളിവുകള് ഉള്പ്പെട പരിശോധിച്ച ശേഷമാണ് അറസ്റ്റ് രേഖപ്പെടുത്തിയത്. ഇരുവരെയും ഇന്ന് തന്നെ ഡല്ഹിയിലേക്ക് കൊണ്ട് പോകുമെന്നാണ് ലഭിക്കുന്ന വിവരം. അതിന് മുന്നോടിയായി ഇരുവരെയും മജിസ്ട്രേറ്റിന് മുന്നില് ഹാജരാക്കും. വിഡിയോ കോണ്ഫറന്സ് വഴിയാണ് ഹാജരാക്കുക.