കോട്ടയം:കിടങ്ങൂരില് രണ്ട് കിലോയോളം കഞ്ചാവുമായി മൂന്ന് യുവാക്കള് അറസ്റ്റിൽ.
രണ്ട് പേർ രക്ഷപെട്ടു.ഓണം ലക്ഷ്യമാക്കി കിടങ്ങൂരിലും പരിസരങ്ങളിലും വിൽപ്പനയ്ക്കായി എത്തിച്ചതാണിത്.
കിടങ്ങൂര് കോളേജിന് സമീപം തട്ടേകാട്ടിൽ ശ്രീജിത്ത് ബെന്നി (23), ചേർപ്പുങ്കൽ കല്ലൂർ പള്ളിയ്ക്ക് സമീപം കളരിയ്ക്കൽ അമൽ (23) സഹോദരന് അതുൽ ( 22 ) എന്നിവരാണ് പിടിയിലായത്.ഇവരോടൊപ്പം ഉണ്ടായിരുന്ന പടിഞ്ഞാറ്റിൽ കരപാളയം പനയംചാലിൽ ജറിൻ പി. റ്റോം, ഏറ്റുമാനൂർ സ്വദേശിയായ ജോബി എന്നിവർക്ക് വേണ്ടി തിരച്ചിൽ നടത്തി വരികയാണ്.
രാത്രി പട്രോളിംഗിനിടയിൽ സംശയം തോന്നി ചോദ്യം ചെയ്യുന്നതിനിടയിൽ രണ്ട് പേർ ഓടി രക്ഷപെട്ടതിനെ തുടർന്നാണ് കഞ്ചാവ് സംഘത്തെ പിടികൂടിയത്.3 പേരെ പിടികൂടി ചോദ്യം ചെയ്തതിൽ വിൽപ്പനയ്ക്കായി കൈവശം സൂക്ഷിച്ച ചെറു കഞ്ചാവ് പായ്ക്കറ്റുകളും . ബാഗിലാക്കി ചേർപ്പുങ്കൽ ഭാഗത്തുള്ള ലോഡ്ജ് മുറിയിൽ ഷോൾഡർ ബാഗിൽ സൂക്ഷിച്ച ബാക്കി കഞ്ചാവും കണ്ടെത്തുകയായിരുന്നു.
പാലാ ഡിവൈഎസ്പി യുടെ നിർദ്ദേശ പ്രകാരം കിടങ്ങൂർ എസ് എച്ച് ഒ ബിജു കെ.ആർ, കിടങ്ങൂർ എസ്.ഐ കുര്യൻ മാത്യു , റെജി പി. ജോസഫ് ,എഎസ് ഐ മഹേഷ് കൃഷ്ണൻ, ഹരിഹരൻ എൻ, സുനിൽകുമാർ എം.ജി, സന്തോഷ് കെ.കെ , ജയചന്ദ്രൻ എന്നിവരാണ് അന്വേഷണ സംഘത്തിലുണ്ടായിരുന്നത്.