കോട്ടയം: ജില്ലയിലെ നാലു സ്വകാര്യ സ്ഥാപനങ്ങള് ഇന്സ്റ്റിറ്റിയൂഷണല് കൊവിഡ് ക്ലസ്റ്ററുകളായി പ്രഖ്യാപിച്ചു. ക്യു.ആര്.എസ് കോട്ടയം(ബേക്കര് ജംഗ്ഷനു സമീപം), ജോസ്കോ ജ്വല്ലേഴ്സ് കോട്ടയം(തിരുനക്കര), പാരഗണ് പോളിമേഴ്സ് കൂരോപ്പട, ചരിവുപുറം റബേഴ്സ് ചേനപ്പാടി എന്നിവിടങ്ങളിലാണ് ദുരന്ത നിവാരണ നിയമപ്രകാരം ക്ലസ്റ്റര് നിയന്ത്രണങ്ങള് ഏര്പ്പെടുത്തുന്നത്.
നാലു സ്ഥാപനങ്ങളിലും പത്തിലധികം പേര്ക്ക് കൊവിഡ് സ്ഥിരീകരിച്ച സാഹചര്യത്തില് ജില്ലാ മെഡിക്കല് ഓഫീസറുടെ റിപ്പോര്ട്ട് പരിഗണിച്ചാണ് നടപടി. സ്ഥാപനങ്ങളില് ക്ലസ്റ്റര് കണ്ടെയ്ന്മെന്റ് ക്രമീകരണങ്ങള് ഏര്പ്പെടുത്താന് ജില്ലാ മെഡിക്കല് ഓഫീസര്ക്ക് നിര്ദേശം നല്കിയിട്ടുണ്ട്.
ജാഗ്രതാ സംവിധാനം കുറ്റമറ്റ രീതിയില് നടപ്പിലാക്കുന്നതിന് ആവശ്യമായ എല്ലാ വിവരങ്ങളും സ്ഥാപനങ്ങള് ആരോഗ്യ വകുപ്പിന്റെ സംഘത്തിന് ലഭ്യമാക്കണം. രോഗനിയന്ത്രണവുമായി ബന്ധപ്പെട്ട പ്രവര്ത്തനങ്ങളില് ആവശ്യമെങ്കില് പോലീസിന്റെ സേവനവും ലഭ്യമാക്കും.