തൃശൂര്: സംവിധായകനും തിരക്കഥാകൃത്തുമായ സച്ചി അതീവ ഗുരുതരാവസ്ഥയില് ആശുപത്രിയിലെന്ന് റിപ്പോര്ട്ട്. തൃശൂര് ജൂബിലി ഹോസ്പിറ്റലില് ഇദ്ദേഹത്തെ അഡ്മിറ്റ് ചെയ്തിരിക്കുകയാണ്.
കഴിഞ്ഞ ദിവസം സച്ചിക്ക് നടുവിന് രണ്ട് സര്ജറികള് വേണ്ടി വന്നിരുന്നു. ആദ്യ സര്ജറി വിജയകരമായിരുന്നു എങ്കിലും രണ്ടാമത്തെ സര്ജറിക്കായി അനസ്തേഷ്യ നല്കിയപ്പോള് ഹൃദയാഘാതം ഉണ്ടാവുകയായിരുന്നു. തുടര്ന്ന് അതീവ ഗുരുതരാവസ്ഥയിലായ സച്ചിയുടെ തലച്ചോര് പ്രതികരിക്കുന്നില്ലെന്നാണ് വിവരം. നിലവില് സിടി സ്കാന് നടത്തുകയാണ്.
2007ല് ചോക്ലേറ്റ് എന്ന സിനിമയിലൂടെ സേതുവിനൊപ്പം തിരക്കഥാകൃത്തായി രംഗപ്രവേശനം ചെയ്ത സച്ചി 2012ല് റണ് ബേബി റണ് എന്ന ചിത്രത്തിലൂടെ ഒറ്റക്ക് തിരക്കഥ എഴുതാന് ആരംഭിച്ചു. അനാര്ക്കലി, അയ്യപ്പനും കോശിയും എന്നീ ചിത്രങ്ങള് എഴുതി സംവിധാനം ചെയ്യുകയും ചെയ്തു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News