തൊടുപുഴയില്‍ സ്‌കൂള്‍ മൈതാനത്ത് ചുഴലിക്കാറ്റ്! ആദ്യം പരിഭ്രാന്തി പിന്നീട് കൗതുകം

തൊടുപുഴ: തൊടുപുഴയിലെ കല്ലാനിക്കല്‍ സ്‌കൂളിള്‍ മൈതാനത്ത് ചുഴലിക്കാറ്റ് ആഞ്ഞു വീശിയത് അധ്യാപകരിലും വിദ്യാര്‍ത്ഥികളിലും പരിഭ്രാന്തി സൃഷ്ടിച്ചു. ഇന്നലെ ഉച്ചകഴിഞ്ഞ് രണ്ട് മണിയോടെയാണ് മൈതാനത്ത് ചുഴലിക്കാറ്റ് വീശിയത്. കുട്ടികള്‍ ഈ സമയത്ത് മൈതാനത്ത് ഇല്ലായിരുന്നു.

കാറ്റ് വീശിയതോടെ കുട്ടികളെ പുറത്തിറക്കാതെ അധ്യാപകര്‍ ശ്രദ്ധിക്കുകയും ചെയ്തു. നൂറു മീറ്ററോളം ഉയരത്തില്‍ പൊടി ഉയര്‍ത്തിയ ശേഷമാണ് ചുഴലിക്കാറ്റ് ശമിച്ചത്. കാറ്റില്‍ നാശ നഷ്ടങ്ങള്‍ ഒന്നും റിപ്പോര്‍ട്ട് ചെയ്തിട്ടില്ല.