24.2 C
Kottayam
Tuesday, November 5, 2024
test1
test1

കനത്ത തോല്‍വിയ്ക്ക് പിന്നാലെ കുഴല്‍പ്പണക്കേസില്‍ വലഞ്ഞ് ബി.ജെ.പി,അടിയന്തിര ചര്‍ച്ച ഉടന്‍ വേണമെന്ന് പാര്‍ട്ടിയ്ക്കുള്ളില്‍ ആവശ്യം

Must read

തിരുവനന്തപുരം:തിരഞ്ഞെടുപ്പ് പരാജയം, കുഴൽപ്പണക്കേസിൽ പാർട്ടിക്കെതിരേയുള്ള ആരോപണം എന്നിവ അടിയന്തരമായി ചർച്ച ചെയ്യണമെന്ന് ബി.ജെ.പിയിൽ ആവശ്യം. എന്നാൽ, ലോക്ഡൗണും കോവിഡും തുടരുന്ന സാഹചര്യത്തിൽ എല്ലാവരേയും വിളിച്ചുകൂട്ടി കാര്യമായ ചർച്ചയ്ക്കു ഉടനടി സാധ്യതയില്ലെന്നാണ് മുതിർന്ന നേതാക്കൾ പറയുന്നത്.

കേരളത്തിലെ സംഭവവികാസങ്ങളെപ്പറ്റി കേന്ദ്രം ഇതുവരെ വിശദീകരണം ആവശ്യപ്പെട്ടിട്ടില്ലെങ്കിലും എല്ലാവിവരങ്ങളും നേതൃത്വത്തിന് മുൻപിലെത്തിയിട്ടുണ്ട്.

തിരഞ്ഞെടുപ്പ് പരാജയത്തെപ്പറ്റി യു.ഡി.എഫ്. പല ചർച്ചകളും അവലോകനങ്ങളും നടത്തി പരിഹാരനടപടികൾ ആലോചിച്ചെങ്കിലും എൻ.ഡി.എ.യിൽ അത്തരത്തിലൊന്ന് ഉണ്ടായില്ലെന്നാണ് ഒരുവിഭാഗം നേതാക്കൾ പറയുന്നത്. കോവിഡ് ഇത്രരൂക്ഷമായിരിക്കെ, വിശാലമായ യോഗം അസാധ്യമാണെന്ന് നേതൃത്വത്തെ അനുകൂലിക്കുന്നവർ പറയുന്നു. ജില്ലാതല അവലോകനയോഗങ്ങൾ പൂർത്തിയാക്കി. പരാജയത്തിന്റെ കാരണങ്ങൾ മണ്ഡലംതലത്തിൽ വിലയിരുത്തുന്നത് മിക്കജില്ലകളിലും പൂർത്തിയായി വരുന്നു.

എന്നാൽ, വോട്ടെണ്ണൽ കഴിഞ്ഞ് ബുധനാഴ്ച ഒരുമാസം തികയുമ്പോഴും പാർട്ടിയുടെ പഠനം ഇതുവരെ പൂർത്തിയായില്ലെന്നാണ് ഉയരുന്ന ആക്ഷേപം. ഓൺലൈനിൽ അല്ലാതെ കോർകമ്മിറ്റിയടക്കമുള്ള യോഗങ്ങൾ വിളിക്കണമെന്നാണ് ആക്ഷേപം ഉന്നയിക്കുന്നവരുടെ ആവശ്യം.

പാലക്കാട്ട് ഇ. ശ്രീധരന്റെ തോൽവിയിൽ കേന്ദ്രം വിശദീകരണം തേടുന്നു എന്നവിവരവും പുറത്തുവരുന്നുണ്ട്. രാജ്യം അറിയപ്പെടുന്ന ഇ. ശ്രീധരനെ പ്രധാനമന്ത്രി നരേന്ദ്രമോദിയുടെയും ആഭ്യന്തരമന്ത്രി അമിത്ഷായുടെയും പ്രത്യേക താത്പര്യപ്രകാരമാണ് സ്ഥാനാർഥിയാക്കിയത്. മറ്റുമുന്നണികളുടെ സമീപനത്തിനു വിരുദ്ധമായി, ശ്രീധരനെ മുഖ്യമന്ത്രി സ്ഥാനാർഥിയായി ഉയർത്തിക്കാട്ടിയാണ് പ്രചാരണം തുടങ്ങിയതും. സാമൂഹിക, സാമുദായിക സമവാക്യങ്ങളും ഇ. ശ്രീധരന്റെ ടെക്‌നോക്രാറ്റ് എന്ന നിലയിലുള്ള ജനപിന്തുണയും കാര്യങ്ങൾ അനുകൂലമാക്കുമെന്നായിരുന്നു കേന്ദ്രനേതൃത്വത്തിന്റെ പ്രതീക്ഷ.

പക്ഷേ, വോട്ടുകൂടുമെന്ന പലതരത്തിലുള്ള കണക്കുകൂട്ടലുകളും പിഴച്ചു. ഇവിടെ യു.ഡി.എഫ്. സ്ഥാനാർഥി ഷാഫി പറമ്പിലിന് വോട്ടുമറിച്ചെന്ന ആരോപണം ചിലർ ഉയർത്തുന്നുണ്ടെങ്കിലും യഥാർഥകാരണങ്ങൾ പുറത്തുവരാനിരിക്കുന്നതേയുള്ളു.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

More articles

Crime:കഴുത്തിലെ മുറിവുകള്‍ ഒരേപോലെ,വിനീതയ്ക്ക് മുമ്പ് മൂന്നുകൊലപാതകങ്ങള്‍, ഡോക്ടറുടെ ഞെട്ടിയ്ക്കുന്ന വെളിപ്പെടുത്തല്‍

തിരുവനന്തപുരം: അമ്പലമുക്ക് വിനീത കൊലക്കേസിൽ നിർണായ മൊഴിയുമായി ഫൊറൻസിക് ഡോക്ടർ. വിനീതയെ കഴുത്തറുത്ത് കൊലപ്പെടുത്തിയതുപോലെയാണ് തമിഴ്നാട്ടിലും പ്രതിയായ രാജേന്ദ്രൻ മൂന്നുപേരെ കൊലപ്പെടുത്തിയതെന്ന് ഫൊറൻസിസ് ഡോക്ടർ മൊഴി നൽകി. തമിഴ്നാട് തോവാളയിലുള്ള ഒരു കസ്റ്റംസ്...

Billion dollor club:100 ബില്യൺ ഡോളർ ക്ലബ്ബിൽ നിന്ന് മുകേഷ് അംബാനി പുറത്ത്; ഓഹരി വിപണിയിൽ അദാനിക്കും തിരിച്ചടി കാരണമിതാണ്‌

മുംബൈ:ലോകത്തിലെ ഏറ്റവും വലിയ ധനികർ ആരൊക്കെയാണ്. ഈ പട്ടിക ഓരോ ദിനവും ചിലപ്പോൾ മാറാറുണ്ട്. ഓഹരി വിപണിയിലെ ഉയർച്ച താഴ്ചകൾ ഇതിൽ പ്രധാന പങ്കുവഹിക്കാറുണ്ട്. അങ്ങനെ ഒറ്റദിവസം കൊണ്ട് പട്ടികയിൽ മുന്നിലെത്തുന്നവരും പിന്നിലെത്തുന്നവരും...

MDMA: സ്യൂട്ട് റൂമിൽ ഷാരൂഖും ഡോണയും, പരിശോധനയില്‍ കിട്ടിയത് എംഡിഎംഎയും കഞ്ചാവും; അറസ്റ്റ്‌

കൊച്ചി: നെടുമ്പാശ്ശേരിയിൽ ന്യൂജനറേഷൻ മയക്കുമരുന്നായ എംഡിഎംഎയും കഞ്ചാവുമായി യുവാവിനെയും യുവതിയെയും എക്സൈസ് അറസ്റ്റ് ചെയ്തു.  പറവൂർ കുന്നുകര സ്വദേശി ഷാരൂഖ് സലിം (27 ), മണ്ണാർക്കാട് കള്ളമല സ്വദേശി ഡോണ പോൾ (25)...

‘മല്ലു ഹിന്ദു ഓഫീസേഴ്‌സ്’ വാട്‌സാപ്പ് ഗ്രൂപ്പ്; കെ.ഗോപാലകൃഷ്ണന്റെ മൊഴിയെടുത്തു, മൊബൈൽ ഫോൺ കസ്റ്റഡിയിൽ

തിരുവനന്തപുരം: മതാടിസ്ഥാനത്തില്‍ ഐ.എ.എസ്. ഉദ്യോഗസ്ഥരുടെ വാട്‌സാപ്പ് ഗ്രൂപ്പ് ഉണ്ടാക്കിയ സംഭവത്തില്‍ വ്യവസായ വകുപ്പ് ഡയറക്ടര്‍ കെ. ഗോപാലകൃഷ്ണന്റെ മൊഴിയെടുത്തു. ഡി.സി.പി. ഭരത് റെഡ്ഡിയാണ് മൊഴിയെടുത്തത്. മാധ്യമങ്ങളോട് നേരത്തെ പറഞ്ഞ കാര്യങ്ങള്‍ തന്നെയാണ് ഗോപാലകൃഷ്ണന്‍...

നവീൻ ബാബുവിന്റെ മരണം: വേണ്ടിവന്നാൽ സിബിഐ അന്വേഷണം ആവശ്യപ്പെടും; നിലപാട് കടുപ്പിച്ച് കുടുംബം

കണ്ണൂർ: അന്വേഷണം ശരിയായ രീതിയിൽ അല്ലെങ്കിൽ സിബിഐ അന്വേഷണം ആവശ്യപ്പെടുമെന്ന് എ.ഡി.എം. നവീൻ ബാബുവിന്റെ കുടുംബത്തിനുവേണ്ടി ഹാജരായ അഭിഭാഷകൻ അഡ്വ. ജോണ്‍ എസ്.റാല്‍ഫ്. കളക്ടർ ഗൂഢാലോചനയുടെ ഭാഗമാണോ എന്ന് സംശയമുണ്ടെന്നും അദ്ദേഹം പറഞ്ഞു....

Popular this week

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads. Please support us by disabling these ads blocker.