പാലക്കാട്: മലമ്പുഴ ആനക്കല്ലില്‍ കാട്ടാന കുട്ടിക്കൊമ്പന്‍ ഷോക്കേറ്റ് ചരിഞ്ഞു. വൈദ്യുത ലൈനില്‍ തുമ്പിക്കൈ തട്ടി ഷോക്കേറ്റ് മരണമെന്നാണ് സൂചന. കുട്ടിക്കൊമ്പന്റെ ജഡത്തിനരികെ മൂന്ന് കാട്ടാനകള്‍ നിലയുറപ്പിച്ചിരിക്കുകയാണ്.
കാട്ടാനക്കൂട്ടം കുട്ടിക്കൊമ്പനെ ഉയര്‍ത്താന്‍ ശ്രമിക്കുന്ന കരളലിയിപ്പിക്കുന്ന കാഴ്ചയും ഇവിടെ കാണാം. വനംവകുപ്പ് ഉദ്യോഗസ്ഥര്‍ സ്ഥലത്ത് എത്തിയിട്ടുണ്ട്. കാട്ടാനകളെ കാട്ടിലേക്ക് തുരത്തിയാല്‍ മാത്രമേ പോസ്റ്റ്‌മോര്‍ട്ടം നടപടികള്‍ ഉദ്യോഗസ്ഥര്‍ക്ക് പൂര്‍ത്തിയാക്കാന്‍ സാധിക്കുകയുള്ളു.
പടക്കമെറിഞ്ഞും മറ്റും ആനകളെ ജഡത്തിന് സമീപത്ത് നിന്ന് മാറ്റാനാണ് ഉദ്യോഗസ്ഥര്‍ ശ്രമിക്കുന്നത്. നാട്ടുകാരും ഇവിടെ തടിച്ചു കൂടിയിട്ടുണ്ട്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
