എടത്വ: വഴി തെറ്റിയതിനെ തുടര്‍ന്ന് പിറകോട്ട് എടുക്കുന്നതിനിടെ കാര്‍ തോട്ടിലേക്കു മറിഞ്ഞു. മുത്തശ്ശിയും കൊച്ചുമകളുമാണ് കാറിലുണ്ടായിരുന്നത്. ഇവരെ നാട്ടുകാരെത്തി രക്ഷിച്ചു.
മാമ്പുഴക്കരി സ്വദേശികളായ മുത്തശ്ശിയെയും കൊച്ചുമകളും സഞ്ചരിച്ച കാര്‍ ശനിയാഴ്ച ഉച്ചയ്ക്ക് 12 മണിയോടെയാണ് അപകടത്തില്‍പ്പെട്ടത്. ഊരുക്കരി സര്‍വീസ് സഹകരണ സംഘത്തിനു മുന്നിലൂടെ കടന്നുപോകുന്ന നാട്ടുതോട്ടിലേക്കാണ് കാര്‍ വീണത്.
ഊരുക്കരി പ്രാഥമികാരോഗ്യ കേന്ദ്രത്തിലേക്കു പോകുകയായിരുന്ന ഇവര്‍. എന്നാല്‍ വഴിതെറ്റി സഹകരണ സംഘം റോഡിലേക്കു കയറി. വഴിതെറ്റിയെന്നു മനസ്സിലാക്കി കാര്‍ തിരിക്കാനുള്ള ശ്രമത്തിനിടെ തോട്ടിലേക്കു മറിഞ്ഞു. ശബ്ദംകേട്ട് സമീപത്തെ വായനശാലയില്‍ നിന്ന് ഓടിയെത്തിയവരാണു രക്ഷകരായത്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News