ആലപ്പുഴയിൽ ബൈക്കിടിച്ച് വീട്ടമ്മ മരിച്ചു

ആലപ്പുഴ:വാടയ്ക്കലിൽ അമിത വേഗതയിൽ എത്തിയ ന്യൂജെൻ ബൈക്കിടിച്ച് വീട്ടമ്മ മരിച്ചു. വാടയ്ക്കൽ വാർഡ് തോട്ടുങ്കൽ വീട്ടിൽ മഹേശ്വരൻ്റെ ഭാര്യ മിനി(49) ആണ് മരിച്ചത്. വീടിന് മുന്നിലുള്ള പൊതുടാപ്പിൽ നിന്ന് വെള്ളമെടുത്തു കൊണ്ട് നിന്ന മിനിയെ അമിത വേഗതയിലെത്തിയ ബൈക്ക് ഇടിച്ച് തെറിപ്പിക്കുകയായിരുന്നു. ബൈക്കിൽ കുടുങ്ങിയ മിനിയെ പത്തു മീറ്ററോളം ബൈക്ക് മുന്നോട്ടു വലിച്ചുകൊണ്ട് പോയി. മിനി സംഭവസ്ഥലത്ത് തന്നെ മരിച്ചു.