കൊച്ചി സോഷ്യല് മീഡിയയില് സജീവമാണ് നടന് കൃഷ്ണകുമാറും കുടുംബവും. ഇരുവരുടെയും വിശേഷങ്ങള് അറിയാന് ആകാംക്ഷയോടെയാണ് പ്രേക്ഷകര് കാത്തിരിക്കാറുള്ളത്. ഇന്സ്റ്റാഗ്രാമിലെ ധാരാളം ഫോളോവേഴ്സുള്ള ഭാര്യ സിന്ധു കൃഷ്ണ, മക്കളായ അഹാന, ദിയ, ഇഷാനി, ഹന്സിക എന്നിവര് സ്വന്തമായി യൂട്യൂബ് ചാനലും തുടങ്ങിയിട്ടുണ്ട്.
പ്രേക്ഷകരുമായി ചാനലിലൂടെ സംവദിക്കാന് ഓരോരുത്തരും സമയം കണ്ടെത്താറുണ്ട്. ഇതിലൂടെ തന്നെ ആരാധകര് ചോദിക്കുന്ന സംശയങ്ങള്ക്ക് കൃത്യമായി മറുപടിയുംനല്കാറുണ്ട്.
കൃഷ്ണകുമാറിന്റെ ഒരു വീഡിയോയാണ് ഇപ്പോള് സമൂഹ മാധ്യമങ്ങളില് വൈറലാകുന്നത്. കുടുംബത്തിലെ എല്ലാവരുടെയും തലമുടിയുടെ രഹസ്യമാണ് കൃഷ്ണകുമാര് തന്റെ യൂട്യൂബ് ചാനലിലൂടെ വെളിപ്പെടുത്തുന്നത്. ആ രഹസ്യം ഒടുവില് പരസ്യമാക്കുകയാണ്.വെളിച്ചെണ്ണയും ആവണക്കെണ്ണയും കറുവേപ്പിലയും ചേര്ത്തുള്ള എണ്ണയാണ് തങ്ങള് ഉപയോഗിക്കുന്നതെന്നും കൃഷ്ണ കുമാര് പറഞ്ഞു. ഒരു ലിറ്റര് വെളിച്ചെണ്ണ, 100 മില്ലിലിറ്റര് ആവണക്കെണ്ണ, ആവശ്യത്തിന് കറുവേപ്പില എന്നിവയാണ് ഈ എണ്ണ തയ്യാറാക്കാന് വേണ്ടത്.
വെളിച്ചെണ്ണയിലേയ്ക്ക് ആവണക്കെണ്ണ ഒഴിച്ച് നന്നായി ചൂടാക്കുക. നന്നായി ചൂടായതിന് ശേഷം കറുവേപ്പില ഉണക്കി പൊടിച്ചത് ചേര്ക്കാം. കുറച്ചുനേരം കഴിഞ്ഞ് തണുക്കാന് വയ്ക്കാം. ഒരു ദിവസത്തിന് ശേഷം ആവശ്യത്തിനനുസരിച്ച് ഉപയോഗിക്കാം. എങ്ങനെയാണ് ഈ എണ്ണ തയ്യാറാക്കുന്നതെന്നും താരം വീഡിയോയില് കാണിക്കുന്നു.