കോട്ടയം: മീനച്ചിലാറ്റിലൂടെ ഒഴുകിയെത്തിയ തടി പിടിക്കാനിറങ്ങവെ കാണാതായ യുവാവിന്റെ മൃതദേഹം കണ്ടെത്തി. ചേര്‍പ്പുങ്കല്‍ സ്വദേശി മനീഷ് സെബാസ്റ്റ്യന്റെ മൃതദേഹമാണ് കണ്ടെത്തിയത്. നാവികസേനയുടെ മുങ്ങല്‍ വിദഗ്ധരാണ് മൃതദേഹം കണ്ടെത്തിയത്. മീനച്ചിലാറ്റില്‍ കിടങ്ങൂര്‍ കാവാലിപ്പുഴ കടവില്‍ വെളളത്തിലൂടെ ഒഴുകിയെത്തിയ തടി പിടിക്കാനിറങ്ങവെയാണ് മനീഷ് ഒഴുക്കില്‍പ്പെട്ടത്.
വെള്ളിയാഴ്ച വൈകുന്നേരം അഞ്ചരയോടെ ഇയാളെ കാണാതായത്. ചേര്‍പ്പുങ്കലില്‍ ഓട്ടോഡ്രൈവറായ മനീഷ് രണ്ട് കൂട്ടുകാര്‍ക്കൊപ്പമാണ് ആറ്റില്‍ തടിപിടിക്കാനിറങ്ങിയത്. കൂട്ടുകാര്‍ പിടിച്ച തടി കെട്ടിയിടുന്നതിന് കയറുമായി നീന്തുന്നതിനിടെ മനീഷിനെ ഒഴുക്കില്‍പ്പെട്ട് കാണാതാവുകയായിരുന്നു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News