24.9 C
Kottayam
Thursday, September 19, 2024

ഒരു പന്തിൽ 13 റൺസ്‌! സിംബാബ്‌വെയ്‌ക്കെതിരേ അമ്പരപ്പിയ്ക്കുന്ന ലോകറെക്കോഡ് കുറിച്ച് ജയ്‌സ്വാൾ

Must read

ന്യൂഡല്‍ഹി: സിംബാബ്‌വെയ്‌ക്കെതിരായ അവസാന ടി20 മത്സരത്തില്‍ പവര്‍പ്ലേയ്ക്കിടെത്തന്നെ ഇന്ത്യക്ക് മൂന്ന് വിക്കറ്റുകള്‍ നഷ്ടമായിരുന്നു. യശസ്വി ജയ്‌സ്വാള്‍, ശുഭ്മാന്‍ ഗില്‍, അഭിഷേക് ശര്‍മ എന്നിവരാണ് പുറത്തായത്. പിന്നീട് മലയാളി താരവും വൈസ് ക്യാപ്റ്റനുമായ സഞ്ജു സാംസണ്‍ രക്ഷകവേഷമണിഞ്ഞതോടെയാണ് ഇന്ത്യക്ക് മാന്യമായ സ്‌കോര്‍ ലഭിച്ചത്.

ക്രീസില്‍ നിലയുറപ്പിച്ച ശേഷം ആക്രമിച്ചു കളിച്ച സഞ്ജു 45 പന്തില്‍നിന്ന് 58 റണ്‍സാണ് നേടിയത്. നാല് സിക്‌സും ഒരു ബൗണ്ടറിയും ചേര്‍ന്ന ഇന്നിങ്‌സായിരുന്നു. അതിന്റെ ആനുകൂല്യത്തില്‍ നിശ്ചിത 20 ഓവറില്‍ ഇന്ത്യ ആറ് വിക്കറ്റ് നഷ്ടത്തില്‍ 167 റണ്‍സെടുത്തു. മറുപടി ബാറ്റിങ്ങിനിറങ്ങിയ സിംബാബ്‌വെ 18.3 ഓവറില്‍ 125-ന് പുറത്തായി. ഇതോടെ പരമ്പര ഇന്ത്യ (4-1) നേടി. ആദ്യ മത്സരത്തില്‍ ഇന്ത്യ പരാജയപ്പെട്ടിരുന്നു.

യശസ്വി ജയ്‌സ്വാള്‍ കുറിച്ച ഒരു ലോക റെക്കോഡ് നേട്ടമാണ് അവസാന ടി20 മത്സരത്തിലെ മറ്റൊരു പ്രത്യേകത. ഓപ്പണിങ്ങില്‍ ഇറങ്ങിയ ജയ്‌സ്വാള്‍ ആദ്യ ഓവറിലെ രണ്ടാം പന്ത് എറിയും മുന്നെത്തന്നെ ഇന്ത്യന്‍ സ്‌കോര്‍ബോര്‍ഡ് 13-0 എന്ന നിലയിലെത്തിച്ചു. ഇതെങ്ങനെയെന്നല്ലേ. സിക്കന്ദര്‍ റാസയെറിഞ്ഞ ആദ്യ പന്തുതന്നെ ഡീപ് സ്‌ക്വയര്‍ ലെഗിലൂടെ സിക്‌സിന് പറത്തി ജയ്‌സ്വാള്‍ സ്‌കോര്‍ ബോര്‍ഡ് തുറന്നു. ഹൈ ഫുള്‍ടോസായി വന്ന പന്ത്, അമ്പയര്‍ നോബോളെന്ന് വിധിച്ചതോടെ ഇന്ത്യ ഒരു പന്തുപോലുമാവാതെ ഏഴ്‌ റണ്‍സ് നേടി.

തുടര്‍ന്ന് റാസയെറിഞ്ഞ ഫ്രീഹിറ്റ് ലെങ്ത് ഡെലിവറി, ജയ്‌സ്വാള്‍ വീണ്ടും അതിര്‍ത്തി കടത്തി സിക്‌സാക്കി. തുടര്‍ച്ചയായ രണ്ടാം സിക്‌സ്. ഇതോടെ ആദ്യ പന്തിലെ സിക്‌സും നോബോളിലെ എക്‌സ്ട്രാ റണ്ണും രണ്ടാം പന്തിലെ സിക്‌സും ചേര്‍ത്ത് ഒരു പന്തില്‍ ഇന്ത്യയുടെ സ്‌കോര്‍ 13 റണ്‍സ്. ടി20 ക്രിക്കറ്റില്‍ നിയമപരമായ ആദ്യ പന്തില്‍ 12 റണ്‍സ് നേടുന്ന ആദ്യ താരമായി ജയ്‌സ്വാള്‍ മാറി. ഓവറിലെ നാലാംപന്തില്‍ത്തന്നെ ജയ്‌സ്വാള്‍ പുറത്താവുകയും ചെയ്തു (12 റണ്‍സ്).

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

More articles

നടി കവിയൂര്‍ പൊന്നമ്മ അതീവ ഗുരുതരാവസ്ഥയില്‍; കൊച്ചിയിലെ ആശുപത്രിയില്‍ തീവ്ര പരിചരണ വിഭാഗത്തില്‍

കൊച്ചി: മലയാള സിനിമയില്‍ നീണ്ട അറുപതാണ്ടു കാലം നിറഞ്ഞു നിന്ന നടി കവിയൂര്‍ പൊന്നമ്മ അതീവ ഗുരുതരാവസ്ഥയില്‍ ചികിത്സയില്‍. കൊച്ചിയിലെ ലിസി ആശുപത്രിയിലാണ് അവര്‍ ചികിത്സയില്‍ കഴിയുന്നത്. കുറച്ചുകാലമായി വാര്‍ധക്യ സഹജമായ അസുഖങ്ങള്‍...

അരിയിൽ ഷുക്കൂർ വധക്കേസ്; പി ജയരാജനും ടിവി രാജേഷിനും തിരിച്ചടി, വിടുതൽ ഹർജി തള്ളി

കൊച്ചി: അരിയിൽ ഷുക്കൂർ വധക്കേസിൽ  സി.പി.എം നേതാക്കളായ പി ജയരാജനും ടിവി രാജേഷും നൽകിയ വിടുതൽ ഹർജി തള്ളി. കൊച്ചിയിലെ പ്രത്യേക സിബിഐ കോടതിയാണ് ഇരുവരുടെയും ഹർജി തള്ളിയത്. ഗൂഢാലോചന കുറ്റമാണ് ഇരുവർക്കുമെതിരെ...

ഇരട്ടയാറിൽ ഒഴുക്കിൽ പെട്ട് കുട്ടി മരിച്ചു; കാണാതായ കുട്ടിക്കായി അഞ്ചുരുളി ടണൽമുഖത്ത് തിരച്ചിൽ

ഇരട്ടയാര്‍: ഇരട്ടയാറില്‍ ഡാമില്‍ നിന്ന് വെള്ളം കൊണ്ടുപോകുന്ന ടണല്‍ ഭാഗത്ത് വെള്ളത്തില്‍ രണ്ട് കുട്ടികള്‍ ഒഴുക്കില്‍ പെട്ടു. ഇതില്‍ ഒരു കുട്ടി മരിച്ചു. രണ്ടാമത്തെ കുട്ടിക്കായി ടണലിന്റെ ഇരുഭാഗത്തും തിരച്ചില്‍ പുരോഗമിക്കുന്നു. കായംകുളം...

പേജറുകളും വാക്കി ടോക്കികളും ഹാന്‍ഡ് ഹെല്‍ഡ് റേഡിയോകളും ലാന്‍ഡ് ലൈനുകളും വീടുകളിലെ സൗരോര്‍ജ്ജ പ്ലാന്റുകളും പൊട്ടിത്തെറിച്ചു; ഇസ്രായേലിൻ്റെ പുതിയ ഒളിയുദ്ധത്തിൽ അമ്പരന്ന് ലോകം

ബെയ്‌റൂട്ട്: ലെബനനില്‍ ഹിസ്ബുല്ല അംഗങ്ങളെ ലക്ഷ്യമാക്കിയുള്ള ഒരു വാക്കി ടോക്കി സ്‌ഫോടനം ഉണ്ടായത് ശവസംസ്‌കാര ചടങ്ങിനിടെ. ഇന്നലെ പേജര്‍ സ്‌ഫോടനത്തില്‍ കൊല്ലപ്പെട്ട ഹിസ്ബുല്ല അംഗത്തിന്റെ വിലാപയാത്രയ്ക്കിടെയാണ്, വാക്കി ടോക്കി സ്‌ഫോടനം ഉണ്ടായത്. ഇതേ...

കേരളത്തിൽ എംപോക്സ് സ്ഥിരീകരിച്ചു, മലപ്പുറം സ്വദേശിയുടെ ഫലം പോസിറ്റീവ്

മലപ്പുറം: സംസ്ഥാനത്ത് എംപോക്സ് സ്ഥിരീകരിച്ചു. രോ​ഗലക്ഷണങ്ങളോടെ മലപ്പുറത്ത് ചികിത്സയിലുണ്ടായിരുന്ന വ്യക്തിക്ക്‌ രോഗം സ്ഥിരീകരിച്ചതായി ആരോഗ്യമന്ത്രി വീണ ജോര്‍ജ് വ്യക്തമാക്കി. യു.എ.ഇയില്‍നിന്നു വന്ന 38 വയസുകാരനാണ് എംപോക്‌സ് സ്ഥിരീകരിച്ചത്. മറ്റ് രാജ്യങ്ങളില്‍നിന്നും ഇവിടെ എത്തുന്നവര്‍ക്ക്...

Popular this week