25.5 C
Kottayam
Monday, September 30, 2024

മൂന്നാര്‍ ഭൂമികയ്യേറ്റം; അന്വേഷണം സി.ബി.ഐ.ക്ക്‌ വിടേണ്ടിവരും: ഹൈക്കോടതി

Must read

കൊച്ചി: മൂന്നാർമേഖലയിലെ ഭൂമികൈയേറ്റവുമായി ബന്ധപ്പെട്ട് പോലീസും വിജിലൻസും രജിസ്റ്റർചെയ്ത കേസുകളിൽ നടപടി വൈകുന്നതിൽ ഹൈക്കോടതി കടുത്ത അതൃപ്തി രേഖപ്പെടുത്തി. അന്വേഷണം സി.ബി.ഐ.ക്ക് വിടേണ്ടിവരുമെന്നും അഭിപ്രായപ്പെട്ടു.

കൈയേറ്റവുമായി ബന്ധപ്പെട്ട് കോടതിയിൽ സർക്കാർ പരാജയപ്പെട്ട കേസുകളുടെ വിവരങ്ങൾ അറിയിക്കാൻ നിർദേശിച്ച കോടതി വിഷയം ബുധനാഴ്ച വീണ്ടും പരിഗണിക്കും. സി.ബി.ഐ. അന്വേഷണത്തിന്റെ കാര്യത്തിൽ ബുധനാഴ്ച തീരുമാനമുണ്ടാകുമെന്നും ജസ്റ്റിസ് മുഹമ്മദ് മുഷ്താഖും ജസ്റ്റിസ് എസ്. മനുവും ഉൾപ്പെട്ട ഡിവിഷൻ ബെഞ്ച് പറഞ്ഞു.

മൂന്നാർമേഖലയിലെ കൈയേറ്റം ഒഴിപ്പിക്കണം എന്നാവശ്യപ്പെട്ട് വൺ എർത്ത് വൺ ലൈഫ് എന്ന സംഘടനയടക്കം ഫയൽചെയ്ത ഹർജികളാണ് പരിഗണനയിലുള്ളത്. കൈയേറ്റവുമായി ബന്ധപ്പെട്ട് നൂറുകണക്കിന് കേസുകൾ രജിസ്റ്റർചെയ്തിട്ടുണ്ടെങ്കിലും പ്രതിചേർക്കപ്പെട്ട ഉദ്യോഗസ്ഥർക്കെതിരേ ക്രിമിനൽ ഗൂഢാലോചന, കള്ളയാധാരമുണ്ടാക്കൽ തുടങ്ങിയ വകുപ്പുകൾമാത്രമാണ് ചുമത്തിയിരിക്കുന്നത്. അഴിമതിനിരോധന നിയമപ്രകാരമുള്ള വകുപ്പുകളൊന്നും ചുമത്തിയിട്ടില്ലെന്ന് കോടതി ചൂണ്ടിക്കാട്ടി.

പലകേസുകളിലും അന്തിമറിപ്പോർട്ട് നൽകാൻ വർഷങ്ങളുടെ കാലതാമസം ഉണ്ടായി. കേസുകൾ കോടതികളിൽ പരാജയപ്പെട്ടപ്പോൾ അപ്പീൽ നൽകാനും തയ്യാറായിട്ടില്ല. പ്രധാന പ്രതിയെന്ന് പറയുന്നവർക്കെതിരേപ്പോലും ശക്തമായ നടപടി സ്വീകരിച്ചില്ല. കേസിൽ പങ്കാളിയായ ഉദ്യോഗസ്ഥർ സാമ്പത്തികനേട്ടം ഉണ്ടാക്കിയോ എന്നകാര്യത്തിലും അന്വേഷണം നടത്തിയിട്ടില്ല.

ഈ സാഹചര്യത്തിൽ സംസ്ഥാന ഉദ്യോഗസ്ഥർ അന്വേഷണം നടത്തിയാൽ സത്യം കണ്ടെത്താനാകില്ലെന്നും അന്വേഷണം സി.ബി.ഐ.ക്ക് വിടേണ്ടിവരുമെന്നുമാണ് കോടതി പറഞ്ഞത്.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

More articles

അടൂരിൽ പൊലീസിനെ വെട്ടിച്ച് പാഞ്ഞ ബൈക്ക് മറിഞ്ഞു; പിന്നാലെയെത്തി പൊക്കിയപ്പോൾ 3 കവർ, ഒന്നിൽ 1.5 കിലോ കഞ്ചാവ്

അടൂർ: പത്തനംതിട്ട അടൂരിൽ കഞ്ചാവുമായി ബൈക്കിൽ പാഞ്ഞ യുവാവിനെ പിന്തുടർന്നു പിടികൂടി പോലീസ്. ഒന്നര കിലോ കഞ്ചാവുമായി മുണ്ടുകോട്ടക്കൽ സ്വദേശി ജോയിയാണ്‌ പിടിയിൽ ആയത്. ബൈക്ക് ഓടിച്ച ആൾ പൊലീസിനെ വെട്ടിച്ചു രക്ഷപ്പെട്ടു....

ഹിസ്ബുല്ലയ്ക്ക് പിന്നാലെ ഹൂതികളെ ആക്രമിച്ച് ഇസ്രായേൽ, 4 മരണം

ടെൽ അവീവ്: ഹിസ്ബുല്ലയ്ക്ക് പിന്നാലെ യെമനിലെ ഹൂതിയെ ലക്ഷ്യമിട്ട് ഇസ്രായേൽ. ഞായറാഴ്ച യെമനിൽ ഇസ്രായേൽ നടത്തിയ വ്യോമാക്രമണത്തിൽ 4 പേർ കൊല്ലപ്പെട്ടതായാണ് റിപ്പോർട്ട്. ഫൈറ്റർ ജെറ്റുകൾ ഉൾപ്പെടെ ഉപയോഗിച്ചായിരുന്നു ഇസ്രായേലിന്റെ ആക്രമണം. ഇസ്രായേൽ...

അൻവറിൻ്റെ പാർക്കിലെ തടയണ പൊളിക്കും; നടപടി വേഗത്തിലാക്കി പഞ്ചായത്ത്

മലപ്പുറം: മലപ്പുറം ജില്ലയിലെ കക്കാടംപൊയിലിൽ പിവി അൻവറിൻ്റെ ഉടമസ്ഥതയിലുള്ള പി.വി.ആര്‍ നാച്ചുറൽ പാർക്കിലെ തടയണകൾ പൊളിച്ചു നീക്കാൻ കൂടരഞ്ഞി പഞ്ചായത്ത് നടപടി തുടങ്ങി. കാട്ടരുവിയുടെ ഒഴുക്ക് തടഞ്ഞുള്ള നിർമാണങ്ങൾ പൊളിച്ചു നീക്കാൻ ടെണ്ടർ...

തൃശ്ശൂരിൽ ബസ് സ്റ്റോപ്പിൽ സൈക്കിളും ബൈക്കും കൂട്ടിയിടിച്ച് അപകടം, 2 മരണം,ഒരാൾക്ക് പരിക്ക്

തൃശ്ശൂര്‍: സൈക്കിളും ബൈക്കും കൂട്ടിയിടിച്ചുണ്ടായ അപകടത്തിൽ തൃശ്ശൂരിൽ രണ്ട് പേര്‍ക്ക് ദാരുണാന്ത്യം. അപകടത്തിൽ ഒരാള്‍ക്ക് ഗുരുതര പരുക്കേറ്റു. ഇന്നലെ രാത്രി എട്ടരയോടെ വടക്കേക്കാട് തൊഴിയൂര്‍ മാളിയേക്കല്‍ പടി ബസ് സ്റ്റോപ്പിന് സമീപമാണ് അപകടമുണ്ടായത്....

കാലുവെട്ടിയാൽ വീൽചെയറിൽ വരും, പിന്തിരിയില്ല; വെടിവെച്ചുകൊല്ലേണ്ടി വരും, പറ്റുമെങ്കിൽ ചെയ്യ്: പി.വി അൻവർ

നിലമ്പൂർ: കാലുവെട്ടിയാൽ വീൽ ചെയറിൽ വരുമെന്നും അതുകൊണ്ടൊന്നും പിന്തിരിയുമെന്ന് ആരും കരുതേണ്ട എന്നും പി.വി. അൻവർ എം.എൽ.എ. നിലമ്പൂരിൽ വിശദീകരണ യോഗത്തിൽ സംസാരിക്കുകയായിരുന്നു അദ്ദേഹം. കഴിഞ്ഞദിവസം അദ്ദേഹത്തിനെതിരേ സി.പി.എം. കൊലവിളി മുദ്രാവാക്യവുമായി രംഗത്തെത്തിയിരുന്നു....

Popular this week