മുംബൈ: വിവാഹം കഴിക്കാന്‍ പോകുന്ന പ്രതിശ്രുത വധുവിന് വരന്‍ അശ്ലീല സന്ദേശങ്ങള്‍ അയയ്ക്കുന്നത് അവളുടെ മാന്യതയെ അപമാനിക്കുന്നതായി കണക്കാക്കാനാവില്ലെന്ന് സെഷന്‍സ് കോടതി. വിവാഹ വാഗ്ദാനം നല്‍കി വഞ്ചിച്ചതിനും ബലാത്സംഗം ചെയ്തതിനും കേസെടുത്ത് 11 വര്‍ഷത്തിനു ശേഷം 36 കാരനായ യുവാവിനെ കോടതി വെറുതെവിട്ടു.
വിവാഹത്തിനു മുമ്പുള്ള കാലഘട്ടത്തില്‍ ഇത്തരം സന്ദേശങ്ങള്‍ അയക്കുന്നത് ഒരാളുടെ വികാരങ്ങള്‍ മനസ്സിലാക്കാന്‍ കഴിയുന്നത്ര അടുപ്പമുണ്ടെന്ന തോന്നല്‍ സൃഷ്ടിക്കുമെന്നും കോടതി പറഞ്ഞു. ”അതെല്ലാം മറുവശത്ത് ഇഷ്ടപ്പെട്ടില്ലെങ്കില്‍ അതിന്റെ അതൃപ്തി അറിയിക്കാന്‍ വിവേചനാധികാരമുണ്ടെന്നും മറുവശത്ത് അത്തരമൊരു തെറ്റ് ആവര്‍ത്തിക്കുന്നത് പൊതുവെ ഒഴിവാക്കപ്പെടുമെന്നും കോടതി വ്യക്തമാക്കി.
പ്രതിശ്രുത വധുവിന്റെ മുന്നില്‍ തന്റെ പ്രതീക്ഷകള്‍ വയ്ക്കാനും വധുവിന് പോലും സന്തോഷം നല്‍കുന്ന ലൈംഗിക വികാരം കൊണ്ട് അവളെ ഉണര്‍ത്താനും ആയിരുന്നു ഉദ്ദേശ്യം. എന്നാല്‍ ഒരു തരത്തിലും ആ എസ്എംഎസുകള്‍ യുവതിയുടെ മാനത്തെ അപമാനിക്കാന്‍ അയച്ചതായി പറയാന്‍ കഴിയില്ല, ”കോടതി പറഞ്ഞു.
2010ലാണ് യുവതി എഫ്ഐആര്‍ രജിസ്റ്റര്‍ ചെയ്തത്. 2007-ല്‍ ഇരുവരും ഒരു മാട്രിമോണിയല്‍ സൈറ്റില്‍ കണ്ടുമുട്ടുകയും എതിര്‍പ്പ് അവഗണിച്ച് വിവാഹം കഴിക്കുകയും ചെയ്തു. പ്രതിയുടെ അമ്മ വിവാഹത്തിന് എതിരായിരുന്നു. 2010 ല്‍ ആ ബന്ധം തകര്‍ന്നു. ബലാത്സംഗക്കേസില്‍ പ്രതിയെ വെറുതെവിട്ട കോടതി വിവാഹവാഗ്ദാനത്തിന്റെ ഓരോ ലംഘനത്തെയും വഞ്ചനയെന്നോ ബലാത്സംഗമെന്നോ വിളിക്കാനാവില്ലെന്ന് പറഞ്ഞു.
”വിവാഹശേഷം മറ്റുകാരണങ്ങളാല്‍ ബന്ധം ഉപേക്ഷിച്ച് യുവാവിന് തിരികെ പോരേണ്ടി വന്നു. ഇത് തീര്‍ച്ചയായും വിവാഹ വാഗ്ദാനത്തിന്റെ കാര്യമല്ല. കാര്യമായ ശ്രമങ്ങള്‍ നടത്തുന്നതില്‍ പരാജയപ്പെട്ടതാണ് ,” കോടതി പറഞ്ഞു. വിവാഹത്തിന് മുമ്പ് തന്നോട് ലൈംഗികബന്ധത്തില്‍ ഏര്‍പ്പെടാന്‍ പ്രതിയെ അനുവദിക്കേണ്ട ആവശ്യമില്ല. എതിര്‍പ്പുണ്ടെന്നറിഞ്ഞിട്ടും വിവാഹം കഴിക്കുമെന്ന് വിശ്വസിച്ചാണ് അവള്‍ അത് തിരഞ്ഞെടുത്തതെന്ന് കോടതി പറഞ്ഞു.
11 വര്‍ഷമോ അതിലധികമോ വര്‍ഷമായി നീതിക്കുവേണ്ടി പോരാടുന്ന സ്ത്രീയുടെ വികാരങ്ങളെ മാനിച്ചിട്ടും ഇത് ബലാത്സംഗ കുറ്റമായി പരിഗണിക്കാന്‍ കഴിയുന്ന കേസല്ലെന്ന് കോടതി പറഞ്ഞു. സംഭവത്തില്‍ പ്രതികളുടെ മാതാപിതാക്കള്‍ക്കെതിരെയും കേസെടുത്തിട്ടുണ്ട്.