കട്ടപ്പന: സുഹൃത്തിന്റെ ജന്മദിന ആഘോഷത്തിനിടെ, നിർമാണത്തിലിരിക്കുന്ന കെട്ടിടത്തിൽ നിന്ന് വീണ് യുവാവ് മരിച്ചു. കാഞ്ചിയാർ ലബ്ബക്കട പുളിക്കൽ ജോസിന്റെ മകൻ ജോബിൻ (21) ആണ് മരിച്ചത്.രാത്രി ഒമ്പതു മണിയോടെയാണ് സംഭവം. കട്ടപ്പന-പുളിയൻമല റൂട്ടിലെ കെട്ടിടത്തിനു മുകളിൽ നിന്നാണ് ജോബിൻ വീണത്. എട്ട് പേർ അടങ്ങുന്ന സംഘമാണ് ഇവിടെ എത്തിയതെന്നാണ് വിവരം.
കല്യാണവീട്ടിൽ നിന്ന് മദ്യപിച്ചശേഷമാണ് സംഘം ഇവിടെ എത്തിയത്. രാത്രിയിൽ മൊബൈൽ ഫോൺ വിളിച്ചുകൊണ്ട് നിൽക്കുമ്പോൾ കെട്ടിടത്തിൽ നിന്ന് വീണതാണെന്ന് സംശയം. സംഘത്തിൽ ഉണ്ടായിരുന്ന നാല് പേരെ പൊലീസ് ചോദ്യം ചെയ്യുകയാണ്. മൃതദേഹം കട്ടപ്പനയിലെ സ്വകാര്യ ആശുപത്രിയിലേക്ക് മാറ്റി.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
