നാല് യുവാക്കളോടൊപ്പം ഒളിച്ചോടിയ യുവതിക്ക് ഒടുവില് അനുയോജ്യനായ വരനെ കണ്ടെത്താന് പഞ്ചായത്തിന്റെ ‘ലക്കി ഡ്രോ’. ഉത്തര് പ്രദേശിലെ രാംപുര് ജില്ലയിലെ ഒരു പഞ്ചായത്തിലാണ് വളരെ വിചിത്രമായ ഈസംഭവങ്ങള് അരങ്ങേറിയത്.
സംസ്ഥാനത്തെ താണ്ട പോലീസ് സ്റ്റേഷന് പരിധിയില് താമസിക്കുന്ന യുവതി അസിംനഗര് മേഖലയിലെ ചെറുപ്പക്കാരുമായി ഒളിച്ചോടി എന്ന വാര്ത്ത അവിടെ നിന്നുള്ള പ്രാദേശിക മാധ്യമമായ ‘ഹിന്ദി ഡെയിലി ഹിന്ദുസ്ഥാന്’ ആണ് റിപ്പോര്ട്ട് ചെയ്തത്. ഒളിച്ചോടിയ ശേഷം യുവതിയെ ഒരു ബന്ധുവിന്റെ വീട്ടിലാണ് യുവാക്കള് താമസിപ്പിച്ചത്.
പക്ഷെ ഈ വിവരം പരസ്യം ആയതോടെ ഗ്രാമത്തിലേക്ക് മടങ്ങിവരാന് ഇവര് നിര്ബന്ധിതരാവുകയായിരുന്നു. ഈ സമയം യുവതിയുടെ വീട്ടുകാര് പോലീസിനെ സമീപിക്കാനൊരുങ്ങിയെങ്കിലും പ്രദേശവാസികള് ഇടപെട്ട് തടഞ്ഞു. ഇതിനെ തുടര്ന്നാണ് പഞ്ചായത്ത് കൂടി ഒരു തീരുമാനം എടുക്കാന് തീരുമാനിച്ചത്. പഞ്ചായത്ത് യുവാക്കളെ ഓരോരുത്തരെയായി വിളിച്ച് പ്രത്യേകം പ്രത്യേകം സംസാരിച്ചു.
നാല് പേരില് ആരെങ്കിലും ഒരാള് തന്നെ യുവതിയെ വിവാഹം കഴിക്കണമെന്നും ആവശ്യപ്പെട്ടു. പക്ഷെ ഈ സമയം സ്വമേധയ ആരും ഇതിന് തയ്യാറായില്ല. തുടര്ന്ന് പഞ്ചായത്ത് അംഗങ്ങള് പറയുന്നതനുസരിച്ച് യുവാക്കളില് നിന്നും തനിക്ക് അനുയോജ്യനായ ജീവിത പങ്കാളിയെ കണ്ടെത്താന് യുവതിയും ബുദ്ധിമുട്ടി.അതോടുകൂടിയാണ് പഞ്ചായത്ത് തന്നെ ഇടപെട്ട് ലക്കി ഡ്രോ എന്ന ആശയം മുന്നോട്ട് വന്നത്. തുടര്ന്ന് നാല് യുവാക്കളുടെയും പേരെഴുതിയ സ്ലിപ്പുകള് നറുക്കെടുപ്പിനായി വച്ചു.
നറുക്കെടുപ്പില് ഗ്രാമത്തിലെ തന്നെ ഒരു കുട്ടി ആയിരുന്നു സ്ലിപ്പെടുത്ത് വരനെ കണ്ടുപിടിച്ചത്. യുവതിയുടെ സ്വകാര്യത നഷ്ടമാവാതിരിക്കാന് പേരടക്കമുള്ള കൂടുതല് വിവരങ്ങള് പുറത്തുവിട്ടിട്ടില്ല ഈ ഗ്രാമവാസികള്.