‘ഡബിൾ ഡേറ്റ ഓഫർ’ എന്ന പേരിൽ പുതിയ റീചാർജ് പ്ലാനുകൾ അവതരിപ്പിച്ച് ടെലികോം കമ്പനിയായ വോഡഫോൺ-ഐഡിയ (വിഐ). ഇന്ത്യയിൽ ആദ്യമായാണ് ഒരു ടെലികോം ഓപ്പറേറ്റർ ഉപയോക്താക്കൾക്കായി ഇത്തരമൊരു ഓഫർ അവതരിപ്പിക്കുന്നത്. ഈ ഓഫറിലൂടെ ഉപയോക്താക്കൾക്ക് തിരഞ്ഞെടുത്ത പ്ലാനിലുള്ള പ്രതിദിന ഡാറ്റ ഇരട്ടിയായി ലഭിക്കും.
അൺലിമിറ്റഡ് പ്രീപെയ്ഡ് പ്ലാനുകൾക്ക് മാത്രമാണ് ഈ ഓഫർ ലഭിക്കുക. നിലവിൽ വോഡഫോൺ ഐഡിയയുടെ 299, 449, 699 എന്നി മൂന്ന് പ്രീപെയ്ഡ് പ്ലാനുകളിലാണ് ഡബിൾ ഡേറ്റ ഓഫർ ലഭ്യമാക്കുന്നത്. പ്രതിദിനം 2 ജിബി ഡേറ്റ വാഗ്ദാനം ചെയ്യുന്ന ഈ മൂന്നു പ്ലാനുകളിലും ഡബിൾ ഡേറ്റ ഓഫർ പ്രകാരം നാല് ജിബി ലഭിക്കും.
ഇന്ത്യയിലെ ഏത് നെറ്റ്വർക്കിലേക്കും പരിധിയില്ലാത്ത വോയ്സ് കോളിംഗ്, പ്രതിദിനം 100 എസ്എംഎസ് എന്നിവയും പ്ലാനുകളിൽ ലഭ്യമാണ്. വി മൂവീസ് ആൻഡ് ടിവിയുടെ സൗജന്യ ഒടിടി സബ്സ്ക്രിപ്ഷൻ ആനുകൂല്യങ്ങളും പ്ലാൻ വാഗ്ദാനം ചെയ്യുന്നുണ്ട്. 28 ദിവസമാണ് 299, 449 രൂപ പ്ലാനുകളുടെ കാലാവധി. എന്നാൽ 699 രൂപയുടെ പ്ലാനിൽ 84 ദിവസത്തെ കാലാവധിയുണ്ട്.
ഈ പ്ലാനുകളെല്ലാം വീക്കെൻഡ് ഡാറ്റ റോൾഓവർ ഓഫറിനൊപ്പമാണ് വരുന്നത്. വി അടുത്തിടെ അവതരിപ്പിച്ച ഈ ഓഫറിൽ ഉപയോഗിക്കാത്ത ഡേറ്റ വാരാന്ത്യം വരെ ഉപയോഗിക്കാൻ ഉപയോക്താക്കളെ അനുവദിക്കുന്ന ഓഫറാണിത്.