ഡെറാഡൂണ്: മേഘവിസ്ഫോടനത്തിലും മഴക്കെടുതിയിലും ഉത്തരാഖണ്ഡില് മരണം 52 ആയി. ലാംഖാഗ ചുരത്തില് അപകടത്തില് പെട്ട 11 അംഗ ട്രക്കിംഗ് സംഘത്തെ ഉള്പ്പെടെ നിരവധി പേരെ ഇനിയും കണ്ടെത്താനുണ്ട്. കഴിഞ്ഞ മൂന്ന് ദിവസത്തിനിടയില് എണ്ണായിരത്തോളം പേരെയാണ് ദുരന്തനിവാരണ സേന രക്ഷപ്പെടുത്തിയത്.രക്ഷാപ്രവര്ത്തനത്തിന് കൂടുതല് ദുരന്ത നിവാരണ സേനാംഗങ്ങളെ വിന്യസിച്ചിട്ടുണ്ട്.
ഉത്തരാഖണ്ഡില് വെള്ളപ്പൊക്കത്തില് ഒറ്റപ്പെട്ടുപോയ നൈനിറ്റാളിലേക്കുള്ള ഗതാഗതം പുനസ്ഥാപിച്ചു. ഗര്വാള്, ബദ്രിനാഥ് റോഡുകള് തുറന്നതോടെ ചാര് ധാം യാത്ര പുനരാരംഭിച്ചു. ഉത്തരാഖണ്ഡ് സര്ക്കാരിന് അഞ്ച് കോടി രൂപ ധനസഹായം നല്കുമെന്ന് ഹരിയാന മുഖ്യമന്ത്രി മനോഹര് ലാല് ഖട്ടാര് അറിയിച്ചിരുന്നു.
വടക്കന് ബംഗാളിലും മണ്ണിടിച്ചില് വലിയ നാശനഷ്ടമുണ്ടാക്കിയിട്ടുണ്ട്. കനത്ത മഴയില് പശ്ചിമ ബംഗാളിലെ ഡാര്ജിലിംഗില് വ്യാപകമായി മണ്ണിടിച്ചിലുണ്ടായി. പലയിടത്തും റോഡുകള് ഇടിഞ്ഞുതാഴ്ന്നു. തീസ്താനദി കരകവിഞ്ഞു. ഡാര്ജിലിംഗ് കാലിംപോങ്ങ്, ജല്പായ്ഗുരി, അലിപൂര്ധര് എന്നിവിടങ്ങളില് റെഡ് അലേര്ട്ട് പ്രഖ്യാപിച്ചിരുന്നു.
ആഭ്യന്തരമന്ത്രി അമിത് ഷാ ഇന്ന് മഴ ബാധിത പ്രദേശങ്ങളില് വ്യോമ നിരീക്ഷണം നടത്തും. കനത്ത മഴയില് പശ്ചിമ ബംഗാളിലെ ഡാര്ജിലിംഗില് വ്യാപകമായി മണ്ണിടിച്ചിലുണ്ടായി. പലയിടത്തും റോഡുകള് ഇടിഞ്ഞുതാഴ്ന്നു. തീസ്താനദി കരകവിഞ്ഞു. സിലിഗുരി ഡാര്ജിലിംഗ് പ്രധാന പാതയായ എന്.എച്ച് 55ല് ഗതാഗതം നിര്ത്തിവച്ചു.
സിലിഗുരി ഗാങ് ടോക്ക് പാതയിലും ഗതാഗതം തടസപ്പെട്ടു. ഡാര്ജിലിംഗ് കാലിംപോങ്ങ്, ജല്പായ്ഗുരി, അലിപൂര്ധര് എന്നിവിടങ്ങളില് റെഡ് അലേര്ട്ട് പ്രഖ്യാപിച്ചു. ഹരിദ്വാറില് ഗംഗാ നദി കരകവിഞ്ഞു. ഹിമാലയന് സംസ്ഥാനങ്ങളില് മഞ്ഞ് വീഴ്ചയും ശക്തമാണ്.