കൊച്ചി:ഉണ്ണി മുകുന്ദന് ചിത്രം മാര്ക്കോ വലിയ ഹിറ്റയാരിക്കുകയാണ്. ചിത്രം 100 കോടി ക്ലബ്ബിലാണ് കയറിയത്. അടുത്തതായി ഇറങ്ങാന് ഇരിക്കുന്ന ഉണ്ണി മുകുന്ദന് ചിത്രത്തിലും വലിയ പ്രതീക്ഷയാണ് ആരാധകര്ക്ക് ഉള്ളത്. ഇപ്പോഴിതാ ഉണ്ണി മുകുന്ദന് സോഷ്യല് മീഡിയയില് പോസ്റ്റ് ചെയ്ത ഒരു ഫോട്ടേയാണ് ചര്ച്ചാ വിഷയം.
എംഎല് 2255 എന്ന നമ്പറുള്ള സ്കൂട്ടറില് ഇരിക്കുന്ന ചിത്രമാണ് ഉണ്ണി പങ്കുവെച്ചിരിക്കുന്നത്. സ്പെഷ്യല് ആയ ഒരു കാര്യം വരാനിരിക്കുന്നു എന്ന ക്യാപ്ഷനോടെയാണ് ഉണ്ണി മുകുന്ദന് പോസ്റ്റ് ചെയ്തിരിക്കുന്നത്. ക്യാപ്ഷനില് സ്പെഷ്യലില് എല് എന്നത് ക്യാപ്സ് ലോക്കില് ബോള്ഡാക്കിയാണ് എഴുതിയിരിക്കുന്നത്. ഇതാണ് പ്രേക്ഷകര്ക്കിടയില് ആകാംക്ഷയുണര്ത്തിയത്.
അടുത്ത ഉണ്ണി മുകുന്ദന് സിനിമയില് മോഹന്ലാല് അഭിനയിക്കുമോ എന്നാണ് പ്രേക്ഷകര് കമന്റില് ചോദിക്കുന്നത്. ഉണ്ണി മുകുന്ദന്റേതായി അടുത്ത പുറത്തിറങ്ങാനിരിക്കുന്ന സിനിമയായ ഗെറ്റ് സെറ്റ് ബേബിയുടെ പ്രൊമോഷന്റെ ഭാഗമായിട്ടാണ് ഈ പോസ്റ്റ് എന്നും ഒരു വിഭാഗം കമന്റ് ചെയ്യുന്നുണ്ട്. ഗെറ്റ് സെറ്റ് ബേബി എന്ന ഹാഷ്ടാഗ് പോസ്റ്റിലുള്ളതാണ് ഇതിന് കാരണം.
കിളി പോയി, കോഹിനൂര് എന്നീ സിനിമകള്ക്ക് ശേഷം വിനയ് ഗോവിന്ദ് സംവിധാനം ചെയ്യുന്ന ചിത്രമാണ് ഗെറ്റ് സെറ്റ് ബേബി. നിഖില വിമല്, ചെമ്പന് വിനോദ്, സുരഭി ലക്ഷ്മി, ജോണി ആന്റണി, സുധീഷ്, ശ്യാം മോഹന് തുടങ്ങിയവരാണ് സിനിമയില് പ്രധാന വേഷങ്ങളില് എത്തുന്നത്.
ഒരു കോമഡി ഡ്രാമ സ്വഭാവത്തില് ഒരുങ്ങുന്ന സിനിമ ഉടന് പുറത്തിറങ്ങും. വൈ വി രാജേഷ്, അനൂപ് രവീന്ദ്രന് എന്നിവര് ചേര്ന്നാണ് സിനിമയ്ക്കായി തിരക്കഥ ഒരുക്കുന്നത്. സജീവ് സോമന്, സുനില് ജെയിന്, പ്രക്ഷാലി ജെയിന് എന്നിവരാണ് സിനിമ നിര്മിക്കുന്നത്.