കൊച്ചി: വൃദ്ധന്റെ കഴുത്തില് കിടന്ന സ്വര്ണ്ണമാല മോഷ്ടിച്ച കേസില് ഹോംനഴ്സ് അറസ്റ്റില്. പത്തനംതിട്ട പെരിങ്ങാര വലിയപറമ്പില് വീട്ടില് സരസമ്മ (63) യെയാണ് പുത്തന്വേലിക്കര പൊലീസ് അറസ്റ്റ് ചെയ്തത്. വ്യാഴാഴ്ചയായിരുന്നു സംഭവം. തുരുത്തിപ്പുറം സ്വദേശിയുടെ വീട്ടില് ഹോംനഴ്സായി ജോലി ചെയ്തു വരികയായിരുന്നു ഇവര്. വൃദ്ധന്റെ കഴുത്തില് കിടന്ന നാലു ലക്ഷം രൂപ വിലവരുന്ന സ്വര്ണ്ണമാല മോഷ്ടിക്കുകയായിരുന്നു.
തുടര്ന്ന് മാല ബാത്ത് റൂമിലെ ഫ്ലഷ് ടാങ്കില് ഒളിപ്പിച്ചു. അന്വേഷണത്തില് ഇത് കണ്ടെടുത്തു. തിരുവല്ല പൊലീസ് സ്റ്റേഷനില് മറ്റൊരു കേസിലെ പ്രതിയാണിവര്. എസ്.ഐ വിക്കി ജോസഫ്, സീനിയര് സിപിഒ മാരായ പ്രദീഷ്, സനില് സിപിഒമാരായ സ്വാതി, വിനീഷ്, ജിംസന് എന്നിവരാണ് അന്വേഷണ സംഘത്തിലുണ്ടായിരുന്നത്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News