കൊച്ചി: എം. ശിവശങ്കറിന്റെ ഒത്താശയോടും അറിവോടും കൂടിയാണ് സ്വര്ണക്കടത്ത് നടത്തിയതെന്ന് സ്വപ്ന സുരേഷിന്റെ മൊഴി. സ്വര്ണക്കടത്തിനെക്കുറിച്ച് ശിവശങ്കറിന് വ്യക്തമായി അറിയാമായിരുന്നുവെന്നും സ്വപ്ന വെളിപ്പെടുത്തി.
ശിവശങ്കറിനെ കസ്റ്റഡിയില് ആവശ്യപ്പെട്ടുകൊണ്ട് കസ്റ്റംസ് കോടതിയില് നല്കിയ കസ്റ്റഡി അപേക്ഷയിലാണ് ഇക്കാര്യം വ്യക്തമായി പറയുന്നത്. സാമ്പത്തിക കുറ്റങ്ങള് പരിഗണിക്കുന്ന അഡീഷണല് ചീഫ് ജുഡീഷ്യല് മജിസ്ട്രേറ്റ് കോടതിയിലാണ് കസ്റ്റംസ് അപേക്ഷ നല്കിയിട്ടുള്ളത്.
ശിവശങ്കറിനെ കസ്റ്റഡിയില് ചോദ്യം ചെയ്യണമെന്ന് കസ്റ്റംസ് അപേക്ഷയില് വ്യക്തമാക്കി. ശിവശങ്കറിനെ 10 ദിവസം കസ്റ്റഡിയില് വേണമെന്നും കസ്റ്റംസ് കോടതിയില് ആവശ്യപ്പെട്ടു. കസ്റ്റംസിന്റെ കസ്റ്റഡി അപേക്ഷ കോടതി ബുധനാഴ്ച പരിഗണിക്കും. വീഡിയോ കോണ്ഫറന്സ് വഴിയാകും കേസ് പരിഗണിക്കുക.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News