കൊച്ചി: ആരോഗ്യമന്ത്രി കെ.കെ.ശൈലജയ്‌ക്കെതിരായ പ്രതിപക്ഷ നേതാവ് രമേശ് ചെന്നിത്തലയുടെ വിമര്‍ശനങ്ങള്‍ക്ക് മറുപടി നല്‍കി ശൈലജ ടീച്ചര്‍.
അമ്മയെ തല്ലിയാലും രണ്ട് പക്ഷം ഉണ്ടാകുമെന്ന് പറയുന്നത് പോലെയാണ് പ്രതിപക്ഷ ആരോപണം.ഇത് ഒരു യുദ്ധം ആണ്, മരിക്കാതിരിക്കാന്‍ ഉള്ള യുദ്ധം. അതില്‍ വലിയ പിന്തുണ കിട്ടുന്നു. കല്ലേറുകള്‍ അതിന്റെ പാട്ടിന് പോകട്ടെ. ഒന്നും ചെയ്യുന്നത് ഒറ്റയ്ക്കല്ല, കൂട്ടായ പരിശ്രമമാണെന്നും കെകെ ശൈലജ തിരുവനന്തപുരത്ത് പ്രതികരിച്ചു.
ആരോഗ്യമന്ത്രിയുടെ മീഡിയമാനിയ കൂടിപ്പോകുന്നുണ്ടെന്നും അത് കുറയ്ക്കണമെന്നുമായി ചെന്നിത്തല ആവശ്യപ്പെട്ടത്. ഒരു ദിവസം നാല് പത്രസമ്മേളനം വീതം നടത്തി ഇമേജ് ബില്‍ഡിംഗിനുള്ള പരിപാടിയാണ് നടത്തുന്നതെന്നുമാണ് ചെന്നിത്തല ആരോപിച്ചത്. എന്തിനാണ് ഇത്രയ്ക്ക് പത്രസമ്മേളനം നടത്തുന്നതെന്നും ചെന്നിത്തല ചോദിച്ചു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News