ന്യൂഡല്‍ഹി: തിരുവനന്തപുരം എം.പി ശശി തരൂരിന്റെ കഷ്ടകാലം ഒഴിയുന്നില്ല. ഒന്നിന് പുറകെ ഒന്നായി പ്രശ്‌നങ്ങള്‍ തരൂരിനെ വേട്ടയാടിക്കൊണ്ടിരിക്കുകയാണ്. ഏറ്റവുമൊടുവില്‍ തരൂര്‍ തന്നെ ടിറ്ററില്‍ പങ്കുവെച്ച ഒരു ചിത്രമാണ് അദ്ദേഹത്തിന് വിനയായിരിക്കുന്നത്. ജയിലില്‍ കഴിയുന്ന മുന്‍ ഐപിഎസ് ഉദ്യോഗസ്ഥന്‍ സഞ്ജീവ് ഭട്ടിന്റെ ഭാര്യയും മകനും വ്യാഴാഴ്ച തിരുവനന്തപുരം കോണ്‍ഗ്രസ് എംപി ശശി തരൂരിനെ സന്ദര്‍ശിച്ചിരിന്നു. വെള്ളിയാഴ്ച, തരൂര്‍ ട്വിറ്ററിലേക്ക് ഇതിന്റെ കുറച്ച് ചിത്രങ്ങള്‍ പങ്കുവെച്ചു. ”തന്റെ ഭര്‍ത്താവിനെ ദീര്‍ഘ നാള്‍ തടങ്കലില്‍ പാര്‍പ്പിക്കുന്നതിനെക്കുറിച്ച് ചര്‍ച്ച ചെയ്യാന്‍ ധീരരായ ശ്വേതഭട്ടിനോടും ധീരനായ മകന്‍ ശാന്തനുമായും ഇന്നലെ ഒരു കൂടിക്കാഴ്ച നടത്തി, സഞ്ജിവ ഭട്ടിന് നീതി നടപ്പാക്കണം! ‘ എന്നായിരുന്നു ട്വീറ്റ്. എന്നാല്‍ തരൂരിന്റെ ഓഫീസില്‍ വെച്ചിയ്ക്കുന്ന ദേശീയ പതാക തലകീഴായാണ് ഇരിക്കുന്നതെന്നാണ് ട്രോളര്‍മാരുട കണ്ടുപിടിത്തം. ഇതോടെ തരൂരിനെതിരെ ട്രോള്‍ മഴയും ആയി.
തരൂര്‍ ചിത്രങ്ങള്‍ പോസ്റ്റ് ചെയ്തയുടനെ ട്രോളന്മാര്‍ അദ്ദേഹത്തെ ട്രോളാന്‍ തുടങ്ങി, ഒരു ഇന്ത്യന്‍ പതാക അദ്ദേഹത്തിന്റെ മേശപ്പുറത്ത് തലകീഴായി വച്ചതായി ചൂണ്ടിക്കാട്ടിയായിരുന്നു ട്രോള്‍. ദേശീയ പതാക, ഭരണഘടന, ദേശീയഗാനം, ഇന്ത്യന്‍ ഭൂപടം എന്നിവയുള്‍പ്പെടെയുള്ള രാജ്യത്തിന്റെ ദേശീയ ചിഹ്നങ്ങളെ അപമാനിക്കുകയോ അപമാനിക്കുകയോ ചെയ്യുന്നത് 1971 ലെ ദേശീയ ബഹുമതി നിയമം തടയുന്നു. എന്നാല്‍ ജനപ്രതിനിധി തന്നെ ഇത് ചെയ്തതിനെ വിമര്‍ശിക്കുകയാണ് സമൂഹ മാധ്യമങ്ങള്‍.