റോയ് കെ പൗലോസിന് സീറ്റില്ല, ഇടുക്കിയിൽ കോൺഗ്രസ് പിളർപ്പിലേക്ക്

തൊടുപുഴ:ഡിസിസി മുൻ പ്രസിഡൻ്റ് റോയ് കെ പൗലോസിന് സീറ്റ് നിഷേധിച്ചതിൽ പ്രതിഷേധിച്ച് ഇടുക്കി കോൺഗ്രസ്സിൽ കൂട്ടരാജി ഭീഷണി. ഡിസിസി ഭാരവാഹികളടക്കം അറുപതിലധികം പേരാണ് രാജിവെക്കാനൊരുങ്ങുന്നത്.

സ്ഥാനാർത്ഥി നിർണയത്തിൽ പ്രതിഷേധിച്ച് 5 ബ്ലോക്ക് പ്രസിഡന്റുമാർ, 40 മണ്ഡലം പ്രസിഡന്റുമാർ, 15 ഡിസിസി ഭാരവാഹികൾ, കെ എസ് യു ജില്ലാ പ്രസിഡന്റ് ടോണി തോമസ്, യൂത്ത് കോൺഗ്രസ് സംസ്ഥാന ജനറൽ സെക്രട്ടറി എന്നിവർ രാജിവയ്ക്കാൻ തയ്യാറായിക്കഴിഞ്ഞു. റോയ് കെ പൗലോസിൻ്റെ വീട്ടിൽ സംഘം യോഗം ചേരുകയാണ്.