തിരുവനന്തപുരം: ബിഗ് ബോസ് സീസണ്‍ ഫോറില്‍ തന്റെ നിലപാടുകളുയര്‍ത്തി സീസണിലെ താരമായ ആളാണ് റിയാസ്.
ഷോയില്‍ വിന്നറാകാന്‍ കഴിഞ്ഞില്ലെങ്കിലും പൊളിറ്റിക്കല്‍ കറക്ടായ മറുപടികളും ലിംഗസമത്വപരമായ തന്റെ വാദമുഖങ്ങളും തഗ് മറുപടികളും കൊണ്ട് മലയാളിയുടെ മനസ് കീഴടങ്ങിയ വ്യക്തിയാണ് ഈ ചെറുപ്പക്കാരന്‍. കേവലം പൈങ്കിളി പരുപാടിയായി സാധാരണക്കാരന്‍ കരുതിയിരുന്ന ബിഗ്ബോസില്‍ എന്താണ് മനുഷ്യപക്ഷമെന്ന് ക്ലാസ് എടുത്ത് മലയാളിയെ പ്രബുദ്ധരാക്കിയ റിയാസിനിപ്പോ ബിഗ്ബോസിനെക്കാള്‍ ഫാന്‍സ് പവറാണ്.
റിയാസ് കഴിഞ്ഞ ദിവസം ഏഷ്യാനെറ്റില്‍ സംപ്രേഷണം ചെയ്യുന്ന പരിപാടിയായ കോമഡി സ്റ്റാര്‍സില്‍ അതിഥിയായി ദില്‍ഷയ്ക്കൊപ്പം എത്തിയിരുന്നു. ബോസ് വിശേഷങ്ങളും മറ്റും പങ്കുവെക്കുന്നതിനിടെ കോമഡി സ്റ്റാര്‍സിലെ അവതാരിക മീര ചോദിച്ച ചില ചോദ്യങ്ങളും അതിന് റിയാസ് നല്‍കിയ മറുപടിയുമാണ് ഇപ്പോള്‍ വീണ്ടും റിയാസിനെ വൈറലാക്കുന്നത്. ഇങ്ങനെയായിരുന്നു മീരയുടെ ചോദ്യങ്ങളും റിയാസിന്റെ മറുപടിയും.
എന്റെ ജെന്റര്‍ ഐഡന്റിറ്റി ഹി ഓര്‍ ഹിമ്മ് എന്ന് ഞാന്‍ വ്യക്തമായി പറഞ്ഞിട്ടുണ്ട്. അത് മീര കണ്ടിട്ടില്ലെങ്കില്‍ അത് എന്റെ പ്രശ്നമല്ല. കണ്ടോണ്ടിരിക്കുന്ന മനുഷ്യന്മാര്‍ക്ക് പറയുന്ന കാര്യങ്ങള്‍ മനസ്സിലാക്കാനുള്ള ബുദ്ധീം വിവരോം ഇല്ലെങ്കില്‍ അതും എന്റെ പ്രശ്നമല്ല. ഇതിപ്പോ കേരളമായാലും ഇന്ത്യയായാലും ദ ഓള്‍ വേള്‍ഡായാലും എല്ലാടത്തും നല്ല മനുഷ്യന്മാരുമുണ്ട്. ചീത്ത മനുഷ്യന്മാരുമുണ്ട്. എല്ലാടത്തും വിവരമുള്ള മനുഷ്യന്മാരുമുണ്ട്. വിവരമില്ലാത്ത മനുഷ്യന്മാരുമുണ്ട്.
ചില വിവരമില്ലാത്ത മനുഷ്യന്മാര്‍ക്ക് കുറേ കാര്യങ്ങള്‍ പഠിക്കണമെന്ന ആഗ്രഹമുണ്ടാവും. ചില മനുഷ്യന്മാര്‍ക്ക് എത്ര വിവരമില്ലെങ്കിലും ഇങ്ങനെ ജീവിച്ചാല്‍ മതി എന്ന തോന്നലാകും. അങ്ങനെയുള്ള ആള്‍ക്കാര് ഇപ്പറഞ്ഞതുപോലെ പല കമന്റ്സും പല പേഴ്സണല്‍ ക്വസ്റ്റിയന്‍സും ചോദിക്കുമായിരിക്കാം. ലെറ്റ് ദെം ആസ്‌ക്ക്. എന്റെ പേഴ്സണല്‍ ലൈഫ് ഈസ് മൈന്‍. ഓകെ. വിവരമില്ലാത്ത മനുഷ്യര്‍ എവിടെയെങ്കിലും അത്തരം ചോദ്യങ്ങള്‍ ചോദിച്ചെന്നു കരുതി ഇവിടെ ഇത്തരം ചോദ്യങ്ങള്‍ ചോദിക്കുന്നത് ഞാന്‍ എന്റര്‍ടൈന്‍ ചെയ്യുന്നില്ല. എന്നായിരുന്നു ആണാണോ പെണ്ണാണോ എന്ന കമന്റുകള്‍ക്കുള്ള മറുപടി ആരാഞ്ഞ വീണക്കുള്ള ഉത്തരം.
തനിക്കിട്ടാണ് റിയാസ് കൊട്ടിയത് എന്ന് മനസിലാക്കിയ മീര അടുത്ത ചൂണ്ട എറിഞ്ഞു.’റിയാസ് തന്നെ പറഞ്ഞിട്ടുണ്ട് ഒരുപാടു ചൂഷണങ്ങള്‍ ചെറിയ പ്രായത്തില്‍ അനുഭവിച്ചിട്ടുണ്ട് എന്ന്. ചൂഷണം ചെയ്തവരില്‍ കൂടുതലും ആണുങ്ങളാണോ പെണ്ണുങ്ങളാണോ?’ ചൂഷണങ്ങള്‍ നേരിട്ടുവെന്ന് എടുത്ത് ഞാന്‍ പറഞ്ഞിട്ടില്ല. അനുഭവിച്ചത് സൈബര്‍ ബുള്ളിയിങാണ്. ബുള്ളി ചെയ്തത് കൂടുതലും ആണുങ്ങളാണ്. ചൂണ്ടയില്‍ കൊത്താതെ റിയാസിന്റെ മറുപടി. പറയാത്ത കാര്യങ്ങള്‍ പറയരുത് എന്നൊരു താക്കീതും.
പണി പാളുന്നല്ലോ എന്ന് തോന്നിയ മീര അടവ് ഒന്ന് മാറ്റി റിയാസിനെ സുഖിപ്പിക്കാന്‍ ഒരു ചോദ്യമിറക്കി
മീര: ഒരുപാട് ഗേള്‍സ് കമന്റ് ചെയ്തിട്ടുണ്ട്, ഫിസിക്കലി കാണാനായിട്ട് വളരെ അട്രാക്ടീവായിട്ടുള്ള ഒരു പയ്യനാണ് റിയാസ് എന്ന്. അതിന്റെ പേരില്‍ പെണ്‍കുട്ടികള്‍ അപ്രോച്ച്‌ ചെയ്യാറുണ്ടോ? അതെങ്ങനെയാണ് കൈകാര്യം ചെയ്യുന്നത്?
സുഖിപ്പിക്കല്‍ കയ്യില്‍ വച്ചാല്‍ മതി എന്ന മട്ടില്‍ ഉടനെ വന്നു മറുപടി
റിയാസ്: ദാറ്റ്‌സ് മൈ പേഴ്സണല്‍ ലൈഫ്. ഞാനത് പേഴ്‌സണലി ഹാന്‍ഡില്‍ ചെയ്യും. അത് ഈയൊരു ഷോയില്‍ വന്ന് പറയേണ്ട ആവശ്യമുണ്ടെന്ന് എനിക്ക് തോന്നുന്നില്ല.
മീര : എങ്ങനെയുള്ള ഒരു കംപാനിയനെയാണ് ആഗ്രഹിക്കുന്നത്?
റിയാസ്: വിവരവും ബുദ്ധിയുമുണ്ടായിരിക്കണം. അത്യാവശ്യമൊരു പ്രോഗ്രസീവ് ചിന്താഗതിയുണ്ടായിരിക്കണം. നല്ലൊരു മനസ്സായിരിക്കണം. ദാറ്റ്‌സ് ഇറ്റ്.
മീര: അല്ല, മെയിലാണ് ഫീമെയിലാണ് കംപാനിയന്‍ വേണ്ടത്, അങ്ങനെയൊന്നുമില്ലാ?
റിയാസ്: നോ കമന്റ്‌സ്.
മീര: ഒരു പെണ്‍കുട്ടിയെ കല്യാണം കഴിക്കുമോ?
റിയാസ്: ഒഫ്‌കോഴ്‌സ് കഴിക്കുമായിരിക്കാം. എന്താണ് മീരയ്ക്ക് വേണ്ടത്? ഞാനത് മീരയോടെന്തിന് പറയണം? ആര്‍ യൂ മാരീഡ്?
മീര: യെസ് യെസ് അയാം മാരീഡ്’
റിയാസ്: ഡൂ യൂ വാണ്ട് ടു മാരി മീ?
മീര: ഇല്ല… ഇനി കെട്ട്യോന്‍ സമ്മയ്ക്കില്യ.
റിയാസ്: കെട്ട്യോനെ നമുക്ക് തല്‍ക്കാലം മാറ്റിനിര്‍ത്താം. മീരയ്‌ക്കെന്നെ കല്യാണം കഴിക്കാന്‍ താല്‍പര്യമുണ്ടോ?
അവതാരക: എനിക്ക് റിയാസിനെ ഇപ്പോള്‍ പേഴ്‌സണലി അധികം അറിയത്തില്ല. അറിയാത്തൊരാളെ എങ്ങനെയാണ് കല്യാണം കഴിക്കാന്‍ പറ്റുന്നേ?
റിയാസ്: സോ, മീരയ്‌ക്കെന്നെ കല്യാണം കഴിക്കാന്‍ താല്‍പര്യമില്ലാത്തിടത്തോളം ഞാനിത്തരം ചോദ്യങ്ങള്‍ക്ക് മീരയോട് ആന്‍സര്‍ ചെയ്യേണ്ട കാര്യമില്ല. ഞാന്‍ നിങ്ങളോടത് ഷെയര്‍ ചെയ്യാന്‍ കംഫര്‍ട്ടബിളല്ല. അതിന്റെ ആവശ്യവുമില്ല.
‘യു ആര്‍ സൊ ഗുഡ് അറ്റ് മേക്കിങ് പീപ്പിള്‍ ഇന്‍കംഫര്‍ട്ടബിള്‍ എന്ന് പറഞ്ഞു അവസാനത്തെ ആണി കൂടി അടിച്ചാണ് റിയാസ് നിര്‍ത്തുന്നത്.
മീരയുടെ ചോദ്യങ്ങളുടെ മുന ഒടിച്ച്‌ റിയാസ് മുന്നേറുമ്ബോ തഗിന്റെ ഉസ്താദായ രമേഷ് പിഷാരടി അടുത്ത് നിന്നിട്ടും മീരയെ രക്ഷിക്കാനുള്ള കച്ചിതുരുമ്ബ് ഇട്ട് കൊടുത്തില്ല എന്നത് ശ്രദ്ധേയമാണ്. ഞാന്‍ ഒന്നുമറിഞ്ഞില്ലെ രാമനാരായണാ എന്നമട്ടില്‍ നൈസായി രക്ഷ പെടുകയായിരുന്നു പിഷാരിടി. മറ്റോരു ജഡ്ജായ ഷാജോണ്‍ ആകട്ടെ മീരക്കിട്ട് ഇടക്ക് കൊട്ടി ഓളത്തിനോപ്പം നിന്നു.