മേപ്പാടി: വയനാട് മേപ്പാടിയിലെ സ്വകാര്യ റിസോര്ട്ടില് ടെന്റില് താമസിച്ചിരുന്ന വിനോദസഞ്ചാരിയായ യുവതിയെ കാട്ടാന ചവിട്ടിക്കൊന്ന സംഭവത്തില് റിസോര്ട്ടിന്റെ ഉടമയും മാനേജരും അറസ്റ്റില്. റിസോര്ട് ഉടമ റിയാസ് മാനജേരായ സുനീര് എന്നിവരെയാണ് മേപ്പാടി പോലീസ് അറസ്റ്റ് ചെയ്തത്.
പഞ്ചായത്തിന്റെ അനുമതിയില്ലാതെ റിസോര്ട്ട് പ്രവര്ത്തിപ്പിച്ചതിനും സുരക്ഷാ സംവിധാനങ്ങളൊരുക്കാതെ വിനോദ സഞ്ചാരികളെ പാര്പ്പിച്ചതിനുമാണ് ഇരുവര്ക്കുമെതിരെ കേസെടുത്തിരിക്കുന്നത്. രാവിലെ കസ്റ്റഡിയിലെടുത്ത ഇരുവരുടേയും അറസ്റ്റ് ഉച്ചയോടെയാണ് പോലീസ് രേഖപ്പെടുത്തിയത്.
ജാമ്യം കിട്ടാവുന്ന വകുപ്പുകള് ചേര്ത്താണ് അറസ്റ്റ്. അറസ്റ്റ് മുന്കൂട്ടി കണ്ട റിസോര്ട്ട് ഉടമകള് ജാമ്യം തേടി നേരത്തെ തന്നെ ഹൈക്കോടതിയെ സമീപിച്ചിരുന്നു. ഇതിന്റെ നടപടികള് പൂര്ത്തിയാവും മുന്പാണ് പോലീസ് ഇരുവരേയും അറസ്റ്റ് ചെയ്തത്.