താനൊരു സംഭവമാണെന്ന് സ്വയം പറയുകയല്ല വേണ്ടത്, അതു മറ്റുള്ളവരെ കൊണ്ട് പറയിപ്പിക്കണം; പിണറായിയെ പരിഹസിച്ച് ചെന്നിത്തല

തിരുവനന്തപുരം: നിയമസഭയില്‍ മുഖ്യമന്ത്രി പിണറായി വിജയനെ പരിഹസിച്ച് പ്രതിപക്ഷ നേതാവ് രമേശ് ചെന്നിത്തല. താനൊരു സംഭവമാണെന്ന് സ്വയം പറയാനാണ് മുഖ്യമന്ത്രി ശ്രമിക്കുന്നത്. എന്നാല്‍ അത് മറ്റുള്ളവരെക്കൊണ്ട് പറയിപ്പിക്കുകയാണ് നല്ലതെന്നും ചെന്നിത്തല പരിഹസിച്ചു.

മുന്‍ മുഖ്യമന്ത്രി അച്യുതാനന്ദനെ ഇല്ലായ്മ ചെയ്യാന്‍ നോക്കിയ ആളാണ് പിണറായി. ലാവലിന്‍ കേസ് എവിടെ തീര്‍ന്നുവെന്ന് എല്ലാവര്‍ക്കും അറിയാം. ലാവലിന്‍ കേസില്‍ പിണറായി ബിജെപിയുമായി അന്തര്‍ധാരയുണ്ടാക്കി. പിണറായി പ്രത്യേക ജനുസ് തന്നെയെന്നും ചെന്നിത്തല പറഞ്ഞു.