കോഴിക്കോട്: താമരശേരിയില് വൈദികനെയും രണ്ട് മക്കളുടെ അമ്മയായ യുവതിയെയും കാണാനില്ല. താമരശ്ശേരി രൂപതാ വൈദികനായ ഫാദര് വിനു ആലപ്പാട്ട് കോട്ടയിലിനെയും വിവാഹിതയും രണ്ട് മക്കളുടെ അമ്മയായ കൂരാച്ചുണ്ട് സ്വദേശിനിയെയുമാണ് കാണാതായിരിക്കുന്നത്. സംഭവത്തില് ദുരൂഹതയുണ്ടെന്ന ആരോപണവുമായി നാട്ടുകാരും വിശ്വാസികളും രംഗത്ത് വന്നിട്ടുണ്ട്.
തൊട്ടില്പ്പാലത്തിനടുത്തുള്ള കരിങ്ങാട്ട് പള്ളി വികാരിയാണ് ഫാ. വിനു ആലപ്പാട്ട്. കഴിഞ്ഞ ദിവസം മുതലാണ് വികാരിയെയും യുവതിയെയും കാണാതായിരിക്കുന്നത്. ഇതേ ഇടവകയിലുള്ള വിവാഹിതയും രണ്ട് കുട്ടികളുടെ അമ്മയായ യുവതിയെയുമാണ് കാണാതായിരിക്കുന്നത്. വികാരിയെ കുറിച്ചുള്ള വിവരങ്ങള് പുറത്തുവിടാനോ വികാരി എവിടെയെന്ന് പ്രതികരിക്കാനോ സഭാ നേതൃത്വവും തയ്യാറാകുന്നില്ല. ഫാ. വിനു ആലപ്പാട്ടിനെയും യുവതിയെയും ഒരേ ദിവസം കാണാതായതോടെയാണ് സംഭവത്തില് ദുരൂഹതയുണ്ടെന്ന് പലരും ആരോപിക്കുന്നത്.
താമരശ്ശേരി രൂപതയില് കണ്ണോത്ത്, പുല്ലൂരാംപാറ, കൂരാച്ചുണ്ട് ഇടവകകളില് അസിസ്റ്റന്റ് വികാരിയായിരുന്നു ഫാദര് വിനു ആലപ്പാട്ട്. അതേസമയം ഇരുവരും പ്രണയത്തിലായിരുന്നെന്നും ഒളിച്ചോടിയത് ആണെന്നുമുള്ള വിവരങ്ങളും പുറത്തു വരുന്നുണ്ട്. ഇടവകയിലെ ചിലര് തന്നെയാണ് ഇത്തരത്തില് പ്രതികരണം നടത്തിയിരിക്കുന്നത്.
ഇരുവരും ഒളിച്ചോടിയതാണെന്ന വിധത്തില് സോഷ്യല് മീഡിയകളിലും പല കുറിപ്പുകളും പ്രചരിക്കുന്നുണ്ട്. എന്നാല് യഥാര്ത്ഥത്തില് സംഭവിച്ചത് എന്താണെന്ന് വ്യക്തമാക്കാന് സഭാ നേതൃത്വം തയ്യാറായിട്ടില്ല. ഒളിച്ചോടിയത് അല്ലെങ്കില് ഇരുവരും ഒരേദിവസം എങ്ങനെ കാണാതായി എന്നാണ് നാട്ടുകാര് ചോദിക്കുന്നത്.